ЗэкIэлъыкIоу текIоныгъи 4

Урысыем волейболымкIэ изэнэкъокъоу апшъэрэ купэу «Б-м» щыкIорэм Мыекъуапэ икомандэу «Динамо-МГТУ-р» хэлажьэ.

Апэрэ къекIокIыгъом хэхьэрэ ешIэгъухэр республикэм испорт Унэшхоу «Ошъутенэм» щыкIуагъэх. Махачкала къикIыгъэ «Дагъыстаным» тиешIакIохэр тIогъо­гогъо IукIагъэх. Пчъагъэр 3:0-у ыкIи 3:1-у текIоныгъэр къыда­хыгъ.

Къалэу Грознэм икомандэу «Грознэм» ешIэгъуитIури 3:0-у къы­шIуахьыгъ.

Тыгъэгъазэм и 21 – 22-м «Ди­намо-МГТУ-р» Воронеж, и 24 – 25-м Ростов-на-Дону ащешIэщт.

— Командэ 12 купым щызэнэкъокъу, я 7-рэ чIыпIэм тыщыI, — къытиIуагъ «Динамо-МГТУ-м» итренер шъхьаIэу, Адыгэ Респуб­ликэм изаслуженнэ тренерэу Павел Зборовскэм. — ТиешIа­кIохэм яIэпэIэсэныгъэ хагъахъо, гуетыныгъэ ахэлъэу зэIукIэгъухэм ахэлажьэх.