«Зэкъошныгъэр» апэ ит

Хэгъэгум футболымкIэ изэнэкъокъоу ятIонэрэ купым щыкIорэм Мыекъопэ «Зэкъошныгъэр» хэлажьэ.

Купэу «Къыблэм» командэ 16 хэт, «Зэкъошныгъэр» апэрэ чIыпIэм щыI. Тренер шъхьаIэу, Адыгэ Республикэм изаслуженнэ тренерэу Ешыгоо Сэфэрбый зэгъэпшэнхэр ышIыгъэх. ЕшIэгъуи 6 мыгъэ «Зэкъошныгъэм» иIагъ, очко 16 ригъэкъугъ. Сыд фэдэ чIыпIэ къыдихыщтми, къыфэгумэкIыхэрэр, спортым пыщагъэхэр клубым ыгъэгушIохэ шIоигъу.

Давид Гиголаевыр, Хьагъур Руслъан, Никита Катаевыр, Къо­нэ Амир, Делэкъо Аскэр, Тофик Кадимовыр, нэмыкIхэри тызыгъэ­гушIохэрэм ащыщых.

Iоныгъом и 1-м «Зэкъошны­гъэр» Краснодар икомандэу «Урожаим» Мыекъуапэ щыIу­кIэщт. ЕшIэгъур пчыхьэм сыхьатыр 6-м аублэщт. «Зэкъошныгъэм» текIоныгъэр зэIукIэгъум къыщыдихынэу тегъэгугъэ.

Спортыр зышIогъэшIэгъонхэр ешIэгъум еплъынхэу зэхэща­кIохэм рагъэблагъэх. Адыгэ республикэ стадионым сатыушIхэм Iоф щашIэщт, орэдхэр щыжъынчыщтых, цIыфхэм языгъэпсэфыгъо уахътэ гъэшIэгъонэу щагъэкIон, футбол дахэ еплъынхэ алъэкIыщт.