Зичэзыу зэIукIэгъухэр

Мыекъуапэ игандбол ыкIи ифутбол командэ-хэр мы мэфэ благъэхэм Урысыем изэнэкъокъу-хэм ахэлэжьэщтых. Хэта нахь тызыгъэгушIон зылъэкIыщтыр?

«АГУ-АДЫИФ» — «ЛАДА»

Iоныгъом и 11-м «АГУ-Адыифыр» «Лада» Тольятти дешIэщт. Гандбол зэIукIэгъур пчыхьэм сыхьатыр 6-м спорт Унэшхоу Кобл Якъубэ ыцIэ зыхьырэм щаублэщт.

«ЗЭКЪОШНЫГЪ» — «ЛЕГИОН»

Мыекъопэ футбол клубэу «Зэкъошныгъэр» «Легион» Махачкала Iоныгъом и 9-м IукIэщт. Республикэ стадионым ешIэгъур пчыхьэм сыхьатыр 6-м щырагъэжьэщт.

«УРАЛАН» КЪЭКIОЩТ

2001-рэ илъэсым къэхъугъэ кIалэхэр зыхэт футбол командэхэр Урысыем изэнэкъокъу хэлажьэх. Тренерэу Юрий Манченкэр зипэщэ «Зэкъошныгъэр» Ростов-на-Дону икомандэу «Академием» 1:1-у дешIагъ. ТикIалэхэм ащыщэу Владислав Жуковым бысымхэм якомандэ икъэлапчъэ Iэгуаор дидзагъ.

Iоныгъом и 10-м мафэм сыхьатыр 11-м «Зэкъошныгъэр» «Уралан» Элиста Мыекъуапэ щыIукIэщт, текIоныгъэр къыдэзыхырэр зэнэкъокъум щылъыкIотэщт.

ЕМТIЫЛЪ Нурбый.