ЕшIэгъу шъхьаIэхэр къэнагъэх

«Динамо-МГТУ» Мыекъуапэ — «Согдиана» Воронеж — 78:97 (20:29, 28:27, 17:25, 13:16).  Гъэтхапэм и 15-м Мыекъуапэ щызэдешIагъэх.       «Динамо-МГТУ»: Гапошин — 17, Абызов — 9, Милютин — 4, Хмара — 8, Еремин — 10, Фильченко, Чураев — 17, Ковалев — 6, Лавриненко — 2, Шибаев, Путимцев — 5.

DSC_0601

Суперлигэм ия 3-рэ куп пэшIорыгъэшъ зэIукIэгъухэр щаухыгъэх. «Динамо-МГТУ-м» апэрэ чIыпIэр къызэрэдихыгъэр тренер шъхьаIэу Андрей Синельниковым къыдилъыти, ныбжьыкIэхэр зэIукIэгъум хигъэлэжьагъэх.

— Мыщ фэдэ ешIэгъу къинхэм спортсменхэм яIэпэIэсэныгъэ нахьышIоу ащыхагъахъо, — къытиIуагъ А. Синельниковым. — Финалым иапэрэ едзыгъо тыхэхьагъ. Апэ ишъыгъэр ауж къинагъэм IукIэщт. «Тегасым» мэлылъфэгъум и 1-м Динскоим ты­щыдешIэщт, и 4-м Мыекъуапэ тыщызэIукIэщт. ТекIоныгъэр къыдэзыхырэр зэнэкъокъум щылъыкIотэщт.

«Тегасым» аужырэ зэIукIэгъухэм текIоныгъэр къащыдихыгъ, «Динамо-МГТУ-м» зэнэкъокъум дэгъоу зыфигъэхьазырыщт. Спортсмен цIэрыIоу Валентин Кубраковым ипсауныгъэ зыпкъ ригъэуцо­жьыгъ, зэIукIэгъухэм ахэлэжьэщт.