ЕджапIэхэр ауплъэкIух

ИлъэсыкIэ еджэгъум Мыекъуапэ дэт еджапIэхэр фытегъэпсыхьагъэхэмэ еуплъэкIух межведомственнэ комиссием.
МыекъуапэкIэ мэшIогъэ­кIосэ къулыкъум иинспекторэу Р. Кушъум къызэриIуа­гъэмкIэ, къалэм дэт еджэпIэ 29-м щыщэу 11-р ауплъэкIугъах. ШышъхьэIум и 10-м нэс адрэ къэнагъэхэри ауплъэкIущтых.

— МэшIогъэкIосэным ылъэ­ныкъокIэ къалэм дэт еджапIэхэм гумэкIыгъо яIэп. Сыда пIомэ планым хэтэу мы илъэсым жъоныгъокIэ-мэкъу­огъу мазэхэм ахэр ауплъэ­кIугъэх. Аужырэ илъэситфым еджапIэхэм мэшIогъэкIосэ пкъыгъохэу ачIэтхэр зэрифэшъуашэу агъэкIэжьыгъэх, ащ нэмыкIэу мэшIогъэкIосэным епхыгъэ Iофтхьабзэхэр ащызэрахьагъэх. Ащ къыхэкIыкIэ мэшIогъэкIосэным ылъэныкъо­кIэ еджапIэхэм гумэкIыгъо ащыIэщтэп, — къеты Урысыем и МЧС и ГъэIорышIэпIэ шъхьаIэу Адыгеим щыIэм ипресс-къулыкъу.

Iоныгъом иапэрэ мэфип­шIым мэшIогъэкIосэным еп­хыгъэ егъэджэнхэр кIэлэегъа­джэхэмрэ кIэлэеджакIохэмрэ афызэхащэщтых ыкIи зыго­рэкIэ тхьамыкIагъо къэхъумэ узэрэзекIон фаем фагъэхьазырыщтых.