Депутатхэм апай

Адыгэ Республикэм и Къэралыгъо Совет — Хасэм ия 12-рэ зимычэзыу зэхэсыгъо 2017-рэ илъэсым мэкъуогъум и 7-м зэхащэ.

Мы къыкIэлъыкIохэрэм зэхэсыгъом щахэплъэнхэу рахъухьагъ: А. К. ТхьакIущынэр Адыгэ Республикэм и Къэралыгъо советник IэнатIэ Iугъэхьэгъэным ехьылIагъ; законопроектхэу «Адыгэ Республикэм 2016-рэ илъэсымкIэ иреспубликэ бюджет гъэцэкIагъэ зэрэхъугъэм ехьылIагъ», «Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет игъэцэкIэн ехьылIагъ» зыфиIохэрэм апэрэу ахэплъэгъэныр; Адыгэ Республикэм и Законэу

«Административнэ хэбзэукъоныгъэхэм яхьылIагъ», «Адыгэ Республикэм икъэралыгъо мылъку 2017 — 2019-рэ илъэсхэм приватизацие зэрашIыщтым иплан ехьылIагъ» зыфиIохэрэм зэхъокIыныгъэхэр афэшIыгъэнхэр; Адыгэ Республикэм федеральнэ хэбзэгъэуцугъэхэм япроектхэм еплъыкIэу щафыряIэм ехьылIагъ.

IофшIэныр пчэдыжьым сыхьатыр 11-м Жуковскэм иурам тет унэу N 22-м хэт Залышхоу зэхэсыгъохэр зыщыкIохэрэм щаублэщт.

Адыгэ Республикэм и Къэралыгъо Совет — Хасэм

и Тхьаматэу Владимир НАРОЖНЫЙ