Гупчэм ипащэ къыхахыщт

Лъэпкъ проектэу «Предпринимательствэ цIыкIумрэ гурытымрэ ыкIи унэе предпринимательскэ гухэлъым IэпыIэгъу фэ­хъугъэныр» зыфиIорэм къыдыхэлъытагъэу экспортым IэпыIэгъу фэхъугъэным и Гупчэ Адыгеим щыгъэпсыгъэным шъо­лъы­рым Iоф щыдашIэ.

2019-рэ илъэсым гъэтхапэм и 21-м щегъэжьагъэу мы структурэм ипэщэ IэнатIэ Iухьан зылъэкIыщтхэ канди­датурэхэм якъыхэхын фежьагъэх, ар тхьамэфищрэ кIощт. Мы пшъэрылъыр зыгъэцэкIэщтыр мыщ фэдэ шапхъэхэм адиштэн фае:

— Апшъэрэ гъэсэныгъэ иIэныр ыкIи IэкIыб экономикэм ылъэныкъокIэ исэнэхьат зэрэхигъэхъуагъэр къэзыушы­хьатырэ документыр IэкIэлъыныр;

— пэщэ IэнатIэхэм илъэсым нахь мымакIэу аIутыгъэн е экономикэм епхыгъэ IофшIэныр илъэси 3-м къы­щымыкIэу ыгъэцэкIэгъэн фае;

— предпринимательствэм исубъектхэм Iоф адэшIэгъэнымкIэ опыт гъэнэфагъэ иIэныр;

— Урысыем ыкIи IэкIыбым экспорт системэм IэпыIэгъу узэрэфэхъун плъэ­кIы­щтымкIэ шIэныгъэ куухэр IэкIэлъынхэр;

— инджылызыбзэм шъхьафитэу рыгущыIэныр.

Гупчэм ипащэу къыхахыщтым пшъэ­рылъ гъэнэфагъэхэр ыгъэцэкIэщтых: предпринимательствэ цIыкIум ыкIи гурытым хэщагъэхэм IэпыIэгъу афэхъугъэныр, республикэм иуплъэкIун-лъыплъэкIо къулыкъухэм шIуагъэ къытэу Iоф адэшIэгъэныр, экспортым епхыгъэ предпринимательствэм хэхъоныгъэхэр ышIынхэм пылъыныр, нэмыкIхэри.

Мы зэнэкъокъум хэлажьэхэ зышIоигъо­хэм анкетэ къагъэхьазырын фае, ар сай­тэу «http://rbi0I.ru/» зыфиIорэм къи­шъу-хын ыкIи нэужым республикэ бизнес-инкубаторым къыфэжъугъэхьын шъулъэкIыщт.

Республикэ бизнес-инкубаторыр зыдэщыт чIыпIэр ыкIи зыкъызэрэфэжъугъэзэн шъулъэкIыщтыр: къ. Мыекъуапэ, урамэу Подгорнэм иунэу 403-Е, телефонхэр — +7(8772) 54-85-02 е
+7 (918)-42-47-24.