Батырым имедаль

Европэм атлетикэ онтэгъумкIэ изэнэкъокъоу Грузием щыкIуагъэм Адыгэ Республикэм ибатырэу Родион Бочковым джэрзыр къыщыдихыгъ.

СпортымкIэ дунэе класс зиIэ мастерэу Роман Казаковыр итренерэу Родион Бочковыр зэнэкъокъухэм ахэлажьэ. Европэм изэIукIэгъухэу Грузием щыкIуагъэхэм Р. Бочковым Урысыем ирекордитIу щигъэуцугъ —рывокымкIи, толчокымкIи. ТIоштэгъукIэ кг 410-рэ къыIэтыгъ. Урысыем ихэшыпыкIыгъэ командэ испортсменхэм хагъэунэфыкIырэ чIыпIитIу Грузием къыщыдахыгъэр — зыр Р. Бочковым къыфагъэшъошагъ.

— Дунаим атлетикэ онтэгъумкIэ изэнэкъокъу мыгъэ Iоныгъо мазэм Таиланд щыкIощт, — къы­тиIуагъ Роман Казаковым. — Родион Бочковым зэIукIэгъухэм зафегъэхьазыры, дунаим ирекорд ыгъэуцун имурад.

Р. Бочковым Инэм зыщегъасэ. Тренерым къызэрэтиIуагъэу, «Адыгэ макъэм» къыхиутырэ спорт къэбархэм алъэплъэх.

Сурэтым итыр: Родион Бочковым Грузием къыщыдихыгъэ медалыр.