Ащаухъумэх

Илъэс къэс гъэмафэр къызщихьэрэм бамыкIхэр гъэкIодыгъэнхэмкIэ Iофтхьэбзэ гъэнэфагъэхэр къалэу Мыекъуапэ щызэрахьэх.

Мы илъэсым Мыекъуапэ имэ­рэу Андрей Гетмановым пшъэ­рылъ зэрафишIыгъэм тетэу квад­рат метрэ мин 30 фэдиз хъоу къэлэ гъэпсэфыпIэ паркым ыубы­тырэ чIыпIэр амал гъэнэфа­гъэу щыIэхэмкIэ обработкэ ашIыгъ.

Анахьэу анаIэ зытырагъэтыгъэр гъэсэныгъэ зыщарагъэ­гъо­тырэ организациехэр ары. Еджэ­пIэ 17-у гъэмэфэ лагерхэр зыщызэхащагъэхэр, кIэлэцIыкIу IыгъыпIэ 41-рэ ащ къыхиубы­тагъ.

Джащ фэдэу былымэхъо фер­мэхэр дезинфекцие ашIыгъэх, былымышъхьэ 700-м ехъу бамыкIхэр агъэлIэнхэм фытегъэ­псыхьэгъэ амалхэмкIэ обработкэ ашIыгъэх.
Къэбар жъугъэм иамалхэр къызыфагъэфедэхэзэ, мы лъэныкъомкIэ зэрэзекIощтхэ шIыкIэр агу къагъэкIыжьы. ЧIыопсым ичIыпIэ зэфэшъхьаф­хэм за­щагъэпсэфы зыхъукIэ, бамыкI­хэр къямыцэкъэнхэмкIэ шэпхъэ гъэ­нэфагъэхэр зыщагъэгъупшэхэ хъу­щтэп, къы­тыгъ къэ­лэ администрацием ипресс-къулыкъу.