Аферым, Тофик!

«Зэкъошныгъ» Мыекъуапэ — «Черноморец» Новороссийск — 4:2.
Чъэпыогъум и 12-м Адыгэ республикэ стадионым щызэдешIагъэх.
«Зэкъошныгъ»: Гиголаев, Хьагъур, Кадимов, Ещенко, Кирьян, Белов, Ахмедханов (Арзуманян, 90), Дыхъу (Делэкъу, 39), (Крылов, 82), Къонэ, Бабенко (Шъхьэлахъу, 87), Макеров.

Къэлапчъэм Iэгуаор дэзыдзагъэхэр: Кадимов — 7, 50, 66, Делэкъу — 78, «Зэкъошныгъ». Черов — 11, Либергаджиев (пенальтикIэ) — 45, «Черноморец».

ЗэIукIэгъум иапэрэ такъикъхэм къащыублагъэу командэхэр апэкIэ илъыщтыгъэх. «Зэкъошны­гъэм» икапитанэу Къонэ Амир угловоир къызетым, Тофик Кадимовыр ухъумакIохэм къадзы­хьагъэу шъхьэкIэ къэлапчъэм Iэ­гуаор дидзагъ — 1:0.

«Черноморцэр» пчъагъэм емы­зэгъэу шъуамбгъоу ыпэкIэ къи­лъыщтыгъ. В. Черовыр тазыр ешIапIэм ихьагъэу Iэгуаор къызыратым тIэкIу ыпэкIэ лъыкIуати, къэлапчъэм дидзагъ — 1:1. Апэрэ едзыгъор зыщаухыщт уахътэм тазыр ешIапIэм щызэутэкIыгъэхэ ешIакIохэм шапхъэхэр аукъуагъэ­хэу судьям ылъыти, пенальтир ыгъэунэфыгъ. «Черноморцэм» хэтэу Либергаджиевым «Зэ­къошныгъэм» икъэлапчъэ Iэгуаор ди­дзагъ — 1:2.

Ризван Ахмедхановым угло­воир къызетым, Т. Кадимовым шъхьэкIэ Iэгуаор хъагъэм ри­дзагъ — 2:2. Я 78-рэ такъикъым икIэ­рыкIэу Р. Ахмедхановым угловоир къытыгъ, Т. Кадимовым ящэ­нэрэу къэлапчъэм шъхьэкIэ Iэгуаор дидзагъ. Мэшэлахь! Ащ фэдэ IэпэIэсэныгъэ ешIакIохэм къагъэлъагъоу, зы ешIакIом гъогогъуищэ шъхьэкIэ къэлапчъэм Iэгуаор дидзэу дунаишхоми бэрэ щыплъэгъущтэп. Аферым, Тофик!

«Зэкъошныгъэр» ыпэкIэ илъы­гъэу «Черноморцэм» икъэлапчъэ дэжь ешIакIохэр щызэбэнхэзэ Делэкъо Аскэр ухъумакIохэм апхырыкIи, Iэгуаор хъагъэм ди­дзэнэу игъо ифагъ — 4:2.

Пресс-зэIукIэр

— ТиешIакIохэм гуетыныгъэ къызхагъэфагъ, хэкIыпIэшIухэр къагъотыгъэх, — къыIуагъ «Зэ­къошныгъэм» итренер шъхьаIэу Ешыгоо Сэфэрбый.

— Арэущтэу ешIэгъур тшIуа­хьэу зыкIи къыхэкIыгъэп. Угловоир «Зэкъошныгъэм» къытызэ гъогогъуищэ тикъэлапчъэ Iэгуаор зы ешIакIом къыдидзагъ. ОшIэ-­дэмышIэу тиешIакIохэр апэкIэ илъын­хэм фэтэгъасэх, ау непэ яIэпэIэсэныгъэ икъоу къагъэлъэгъон алъэкIыгъэп, «Зэкъошны­гъэр» дэгъоу ешIагъ, — къы­Iуагъ «Черноморцэм» итренер шъхьа-
Iэу Эдуард Саркисовым.

ЕшIэгъухэр

«Черноморец» — «Спартак» Вл — 3:0, «Анжи» — СКА — 1:1, «Интер» — «Волгарь» — 0:3, «Биолог» — «Спартак» Нч — 2:0, «Спартак» Вл — «Краснодар-3» — 1:2, «Динамо» — «Мэщыкъу» — 0:0, «Махачкала» — «Анжи» — 1:0, СКА — «Легион» — 1:1, «Урожай» — «Алания» — 1:4.
ЧIыпIэхэр
1. «Волгарь» — 34
2. «Алания» — 28
3. «Зэкъошныгъ» — 24
4. «Черноморец» — 24
5. «Динамо» — 21
6. «Мэщыкъу» — 18
7. СКА — 18
8. «Махачкала» — 18
9. «Биолог» — 17
10. «Спартак» Нч — 16
11. «Краснодар-3» — 15
12. «Легион» — 14
13. «Интер» — 12
14. «Анжи» — 12
15. «Урожай» — 8
16. «Спартак» Вл — 4

Чъэпыогъум и 19-м «Зэкъошныгъэр» «Краснодар-3-м» Краснодар щыIукIэщт. ЕшIэгъур сыхьатыр 3-м аублэщт.

Сурэтым итыр: Тофик Кадимовым «Черноморцэм» икъэлапчъэ Iэгуаор дедзэ.