Апэ итым текIуагъ

 «Динамо-МГТУ» Мыекъуапэ — «Уралмаш» Екатеринбург — 65:86 (25:16, 7:13, 14:26, 19:31).

Гъэтхапэм и 8-м Адыгэ республикэ спорт Унэшхоу «Ошъутенэм» щызэдешIагъэх.

Зезыщагъэхэр: И. Куксов — Ростов-на-Дону, И. Лотыш — Москва хэку, А. Переверзев — Москва.

«Динамо-МГТУ»: Гапошин — 11, Абызов — 13, Еремин — 4, Балашов — 8, Князев — 12, Милютин, Майборода — 2, Россов — 15.

«Уралмашым» къыхэщыгъэхэр: Воскресенский — 19, Ежов — 15, Рассказов — 15, Глазырин — 9.

Зэнэкъокъум апэрэ чIыпIэр щызыIыгъ командэм удешIэныр псынкIагъоп. «Динамо-МГТУ-м» апэрэ такъикъи 10-м ыуж «Уралмашым» пхъашэу пэуцужьын ылъэкIыгъэп. ХьакIэхэм яешIэкIуи 10 зэIукIэгъум хэлэжьагъ, зэкIэми хъагъэм Iэгуаор радзагъ, къинышхо хамылъагъоу текIоныгъэр къыдахыгъ.

ЯтIонэрэ зэIукIэгъур

«Динамо-МГТУ» — «Уралмаш» — 83:70 (17:11, 27:15, 20:22, 19:22).

«Динамо-МГТУ»: Гапошин — 27, Абызов — 11, Балашов — 6, Еремин — 14, Князева — 6, Суслов, Милютин — 3, Майборода — 4, Россов — 12.

«Уралмашым» къыхэщыгъэхэр: Ежов — 15, Шашков — 10, Новиков — 8, Ворон — 8, Комаров — 7.

ЗэIукIэгъур заублэм, гумэкIыгъо тиIагъэп. Пчъагъэр зэрэлъыкIуатэщтыгъэр: 4:2, 9:6, 14:11, 26:17, 34:17, 44:26. А. Гапошиным, Н, Ереминым, М. Абызовым, нэмыкIхэм хъагъэм Iэгуаор зэрэрадзэрэм дакIоу, зэхэщэн ыкIи ухъумэн Iофыгъохэр дэгъоу агъэцакIэщтыгъэх. Ащ фэдэ ешIакIэм «Уралмашыр» фэмыхьазырэу къэлъэгъуагъ.

ЕшIэгъур кIэухым зыщыфэкIощт уахътэм «Уралмашыр» нахьыбэрэ ыпэкIэ къилъэу фежьагъ, ау «Динамо-МГТУ-м» ипытапIэхэм апхырыкIыныр къехьылъэкIыщтыгъ.

Пресс-зэIукIэр

«Уралмашым» итренер шъхьаIэу Яков Фокиныр ащ фэдэ кIэухым ежэгъахэп, текIоныгъэр къызэрэдамыхыгъэр игукъаоу тлъэгъугъэти, упчIэ бащэ еттыгъэп. «Динамо-МГТУ-м» итренер шъхьаIэу Адыгэ Республикэм изаслуженнэ тренерэу Андрей Синельниковыр тиешIакIохэм къащытхъугъ. «Уралмашым» апэрэ чIыпIэр къыдихынымкIэ гугъэ имыIэжьэу ылъытагъ. «Динамо-МГТУ-р» я 5 — 6-рэ чIыпIэхэм афэбэнэщт.

Мэзаем и 12 — 13-м «Динамо-МГТУ-р» Магнитогорскэ икомандэ тикъалэ гъогогъуитIо щыIукIэщт.

Сурэтым итхэр: «Динамо-МГТУ-р» «Уралмашым» дешIэ.

ЕМТIЫЛЪ Нурбый.