Апэрэ чIыпIэр зыIэкIигъэкIырэп

«Биолог» Прогресс — «Зэкъошныгъ» Мыекъуапэ — 1:1.
Iоныгъом и 8-м зэдешIагъэх.
«Зэкъошныгъ»: Гиголаев, Кирьян, Омаров, Катаев, Хьагъур, Белов, Ахмедханов, Делэкъу (Ещенко, 62), Къонэ, Кадимов (Бабенко, 46), Крылов (Смыр, 80).
Къэлапчъэм Iэгуаор дэзыдзагъэхэр: Къонэ – 3, «Зэкъошныгъ». Малыш — 65, «Биолог».Краснодар краим икомандэу «Биологым» иешIакIэ тыщыгъуаз. «Зэкъошныгъэм» текIоныгъэр къыдихыным фэбэнагъ. ЕшIэгъур рагъэжьэгъэ къодыеу Адыгеим икомандэ ыпэкIэ илъэу ыублагъ. Тикомандэ икапитанэу Къонэ Амир ухъумакIохэм аIэкIэкIи, тазыр ешIапIэм итэу къэлапчъэм лъэшэу дэуагъ, хъагъэм Iэгуаор дидзагъ.
ЗэIукIэгъум пчъагъэр къыщызэIупхыным мэхьэнэ ин иI. «Зэкъошныгъэр» икIэрыкIэу ыпэкIэ илъызэ Iэгуаор къэлап­чъэм зэрэдидзэщтым пылъыгъ, ау «Биологым» иухъумакIохэм ашIокIыныр къыдэхъугъэп.

Илъэс заулэкIэ узэкIэIэбэжьмэ, «Зэкъошныгъэм» щешIэщтыгъэ Малыш я 65-рэ такъикъым тикъэ­лапчъэ Iэгуор къыдидзагъ. Зэ­нэкъокъур 1:1-у аухыгъ.

Я 8-рэ зэIукIэгъухэр

«Черноморец» — «Мэщыкъу» — 3:0, СКА – «Спартак» Вл – 2:2, «Краснодар-3» — «Волгарь» — 0:2, «Спартак» Нч — «Динамо» — 1:1, «Анжи» — «Урожай» — 6:1, «Алания» Вл — «Махачкала» — 4:0, «Легион» — «Интер» — 0:2.

ЧIыпIэхэр

1. «Зэкъошныгъ» — 20
2. «Волгарь» — 19
3. «Динамо» — 17
4. «Черноморец» — 14
5. «Алания» — 13
6. «Махачкала» — 11
7 «Интер» — 11
8. «Биолог» — 11
9. «Спартак» — Нч – 10
10. «Краснодар-3» — 9
11. «Мэщыкъу» — 8
12. «Легион» — 8
13. «Анжи» — 8
14. СКА – 7
15. «Спартак» Вл – 3
16. «Урожай» — 3.

«Зэкъошныгъэм» къэлапчъэм нахьыбэрэ Iэгуаор дидзэнэу, игъэхъагъэхэм ахигъэхъонэу тегъэгугъэ.

Iоныгъом и 14-м я 9-рэ ешIэгъухэр купэу «Къыблэм» щыкIощтых. «Зэкъошныгъэр» Ростов-на-Дону икомандэу СКА-м Мыекъуапэ щыIукIэщт. ЕшIэгъур сыхьатыр 16.30-м Адыгэ республикэ стадионым щырагъэжьэщт.