Анахь лъэшыр Абрек

Урысыем иныбжьыкIэхэу ­илъэс 18-м нэс зыныбжьхэм дзюдомкIэ язэнэкъокъу Тюмень шэкIогъум и 9 — 10-м щыкIуагъ. ТIопсэ районым щапIугъэ нарт шъаоу Нэгъуцу Абрек зэ­Iу­кIэгъухэм дышъэ медалыр къа­щихьыгъ.

Килограмм 66-м нэс къэзыщэчыхэрэм Нэгъуцу Абрек ате­кIуагъ, иIэпэIэсэныгъэкIэ къахэщыгъ. Урысыем изаслуженнэ тре­нерэу Нэгъуцу Джамболэт бэ­накIор егъасэ.