Адыгэ Республикэм хэдзынхэмкIэ и Гупчэ комиссие ипIалъэм къыпэу зэхащэщт мэкъэтыным фэгъэхьыгъэу къеты

ХэдзыпIэ чIыпIэхэу NN 116-м, 122-м, 134-м, 135-м, 136-м, 138-м, 139-м, 151-м, 154-м, 155-м, 161-м, 165-м, 172-м яхэдзакIохэу лъытэныгъэ зыфэтшIыхэрэр!

Къалэу МыекъуапэкIэ зы мандат зиIэ хэдзыпIэ койхэу N 8-мкIэ ыкIи N 13-мкIэ Адыгэ Республикэм и Къэралыгъо Совет — Хасэм идепутатхэм яхэдзын тедзэхэр 2017-рэ илъэсым Iоныгъом и 10-м щыIэщтых.

Мэкъэтыныр зыщыкIощт мафэм телъхьэпIэ гъэнэфагъэм (отпуск, командировкэ шъущыIэмэ, IофшIэным е еджэным епхыгъэу, къэралыгъо, общественнэ пшъэрылъхэм ягъэцэкIэн ыуж шъуитмэ, шъуипсауныгъэ изытет къызэщыкъуагъэмэ е къызышъуфагъэгъун алъэкIыщт ушъхьагъу горэ шъуиIэмэ) къыхэкIэу мэкъэтыныр зыщыкIощт унэм шъукъэмыкIошъун хъумэ, ипIалъэм къыпэу мыщ фэдэ уахътэхэм шъумакъэ шъутын шъулъэкIыщт:

2017-рэ илъэсым шышъхьэIум и 30-м къыщегъэжьагъэу 2017-рэ илъэсым Iоныгъом и 5-м нэс къалэу Мыекъуапэ хэдзынхэмкIэ ичIыпIэ комиссиеу мыщ фэдэ чIыпIэм щыIэм шъуекIуалI: къ. Мыекъуапэ, ур. Краснооктябрьскэр, 21-рэр, каб. 117-р (тел. 52-22-89, 52-24-61), IофшIэгъу мафэхэм пчэдыжьым сыхьатыр 9-м къыщегъэжьагъэу пчыхьэм сыхьатыр 8-м нэс, гъэпсэфыгъо мафэхэм — пчэдыжьым сыхьатыр 10-м къыщегъэжьагъэу пчыхьэм сыхьатыр 4-м нэс.

2017-рэ илъэсым Iоныгъом и 6-м къыщегъэжьагъэу 2017-рэ илъэсым Iоныгъом и 9-м нэс хэдзынхэмкIэ участкэ комиссием шъукъекIуалI, IофшIэгъу мафэхэм пчэдыжьым сыхьатыр 9-м къыщегъэжьагъэу пчыхьэм сыхьатыр 8-м нэс, гъэпсэфыгъо мафэхэм — пчэдыжьым сыхьатыр 10-м къыщегъэжьагъэу пчыхьэм сыхьатыр 4-м нэс.

Паспортыр е Урысые Федерацием игражданинэу шъузэрэщытыр къэзыгъэшъыпкъэжьырэ паспортым ычIыпIэкIэ жъугъэфедэн шъулъэкIыщт документ горэ къыздэшъухьын фае.