Адыгэ къуаем имэфэкI

Фестивалым ихьакIэхэм Мыекъопэ районымкIэ Дахъо гъэхъунэм
Iоныгъом и 21-м щызэхащэщт мыщ фэдэ Iофтхьабзэхэм ахэлэжьэнхэу амал яIэщт. Сыхьатыр 10.00-м фестивалыр рагъэжьэщт, лъэпкъ щагу­хэр къызэIуахыщтых, мас­тер-классхэр, ермэлыкъхэр, нэмыкI Iофтхьабзэхэр зэхащэщтых.
Дзыбэ Мыхьамэт, Цэй Иб­рахьимэ ыцIэкIэ щыт Лъэпкъ театрэмрэ Адыгеим лъэпкъ къашъомкIэ и Къэралыгъо академическэ ансамблэу «Налмэсымрэ» яартистхэр зыхэлэжьэщтхэ концертыр 10.30-м щыIэщт.
Сыхьатыр 11.00-м адыгэ къуаем ия Х-рэ фестиваль къы­зэIуахыщт.
Сыхьатыр 11.15-м адыгэ къуаем иихынкIэ мастер-классхэр, викторинэхэр, культурэ Iофтхьабзэхэр зэхащэщтых.
Адыгэ Республикэм лъэпкъ орэдымкIэ и Къэралыгъо ансамблэу «Ислъамыем», Адыгеим лъэпкъ къашъомкIэ и Къэралыгъо академическэ ансамблэу «Налмэсым», «Русская удалым» яартистхэм, Быщтэкъо Азэмат сыхьатыр 13.00-м концерт къатыщт.
Сыхьатыр 14.30-м фестивалым икIэуххэр зэфахьысыжьыщтых, дипломхэр аратыщтых.
Эстрадэ ансамблэу «Ошъу­те­нэм», вокальнэ ансамблэу «Ста­нишники» яартистхэр, А. Мышъэр, Д. Черкаевар, В. Еутыхыр, А. Ацумыжъыр зыхэлэ­жьэщтхэ концертым сыхьатыр 15.00-м еплъынхэ алъэкIыщт.
Сыхьатыр 16.00-м фестивалыр зэфашIыжьыщт.
Фестивалым ихьакIэхэм мы мафэм адыгэ къуаемрэ нэмыкI лъэпкъ шхыныгъохэмрэ апагъо­хыщтых.
Лъэпкъ IэпэIасэхэм якъэгъэ­лъэгъон агу щырихьырэ пкъыгъохэр къащэфынэу амал яIэщт. Адыгеим къыщахьыжьыгъэ гъо­мылэпхъэ къабзэхэр ермэлыкъым щащэщтых.