Адыгеим щырагъэжьагъ

Iоныгъом и 6-м къыщыублагъэу «Здоровый Майкоп» зыфиIорэ Iофтхьабзэм къыдыхэлъытагъэу гриппым пэшIуекIощт прививкэхэм яшIын Адыгеим щаублагъ.

Iофтхьабзэр зыщыкIогъэ апэрэ мафэм нэбгырэ 30-мэ вакцинэр ахалъхьагъ. Прививкэхэм яшIын мэхьанэшхо зэриIэр ежь ищысэкIэ АР-м псауныгъэр къэухъу­мэгъэнымкIэ иминистрэу Мэрэтыкъо Рустем къыгъэлъэгъуагъ.

— Вакцинэр гриппым пэшIуекIогъэнымкIэ анахь шIуагъэ къэзытырэмэ ащыщ. ЦIыфхэм япроцент 45 — 50-м ар ахэлъхьагъэ зыхъукIэ, гриппыр къызэутэкIыщтхэм япчъагъэ процент 70 — 90-м нэсэу къебгъэIыхын плъэкIыщт, — къыщаIуагъ АР-м псауныгъэр къэухъу­мэгъэнымкIэ и Министерствэ.

Мы илъэсым вакцинэхэм вирусэу А(HINI), A(H3N2), B яштаммхэр ахэлъы­щтых. КIэлэцIыкIухэр, нэжъ-Iужъхэр, медицинэ IофышIэхэр, кIэлэегъаджэхэр, нэмыкIхэу гриппыр нахь шIэхэу къызэутэкIын щынагъо зиIэхэр апэрэу прививкэ ашIыхэрэм ащыщых.

Зыныбжь икъугъэ нэбгырэ мини 159-рэ ыкIи кIэлэцIыкIу мин 54-рэ мыгъэ а Iофтхьабзэм къыхырагъэубытэн гухэлъ щыI. Вакцинэ зыхэзылъхьанэу фаехэр зыщыпсэурэ чIыпIэм пэблэгъэ медицинэ учреждением екIолIэнхэ фае.

(Тикорр.).