Адыгеим къэкIуагъэх

МНТК-у «Нэм имикрохирургие» зыфиIоу академикэу С. Н. Федоровым ыцIэкIэ щытым и Краснодар къутамэ испециалистхэр Адыгеим къэкIуагъэх республикэм исхэр ауплъэкIунхэм ыкIи ищыкIагъэу афалъэ­гъухэрэр араIонхэм пае.

Врачхэр джыдэдэм Красногвардейскэ районым щыIэх. Къуаджэхэу Улапэрэ Хьатикъуаерэ адэсхэм яплъых.

Мы илъэсым гъэтхапэм Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат МНТК-у «Нэм ими­крохирургие» зыфиIоу академикэу С. Н. Федоровым ыцIэкIэ щытым игенеральнэ директорэу Александр Чухраевымрэ клиникэм и Краснодар къутамэ иIэшъхьэтетэу Сергей Сахновымрэ заIокIэм зэзэгъыныгъэ зэдашIыгъагъ Адыгеим къакIохэзэ цIыф­хэм япсауныгъэ изытет ауплъэкIузэ ашIыным фэ­гъэхьыгъэу. А зэзэгъыны­гъэу зыкIэтхэжьыгъагъэхэм къызэрэдилъытэрэм тетэу врачхэр Адыгеим ирайон пстэуми ащыIэщтых.

Джырэ уахътэм диштэрэ Iэмэ-псымэ зэтегъэпсы­хьа­гъэмкIэ зышIоигъо пстэу­ми анэ арагъэуплъэкIун алъэ­кIыщт, ащ дакIоу ашIэн фае­­хэри игъэкIотыгъэу къа­раIощтых. Операцие зи­щы­кIагъэхэр клиникэм и Краснодар къутамэ ыпкIэ хэмылъэу къыщяIэзэнхэу агъэкIощтых.

АР-м и ЛIышъхьэ ипресс-къулыкъу