Адыгеим иджэрз

Европэм атлетикэ онтэгъумкIэ изэнэкъокъу Грузием икъалэу Батуми щыкIуагъ. Адыгеим ибатырэу Родион Бочковым джэрзыр къыхьыгъ.


Килограмми 109-рэ къэзыщэчыхэрэм якуп хэтэу рывокым кг 192-рэ, толчокым 218-рэ Р. Бочковым къащиIэтыгъ. ТIоштэгъукIэ кг 410-рэ ригъэкъуи, ящэнэрэ чIыпIэр къыфагъэшъошагъ. Дышъэр къы­дэзыхыгъэм рывокым къыщиIэтыгъэр кг 192-рэ, ау ащ апэрэ чIыпIэр, шапхъэхэм къызэрэдалъытэу, къыдихыгъ.

— Родион Бочковым Инэм зыщегъасэ, тренерэу Роман Казаковыр ипащ, — къытиIуагъ Адыгэ Республикэм атлетикэ онтэгъумкIэ испорт еджапIэ итхьаматэу, спортымкIэ дунэе класс зиIэ мастерэу Сихъу Рэмэзан. – Родион Бочковыр Урысыем ихэшыпыкIыгъэ командэ хэтэу дунэе зэIукIэгъухэм зафегъэхьазыры.

Сурэтым итыр: Родион Бочковыр.

ЕМТIЫЛЪ Нурбый