Урысые Федерацием и Уголовнэ кодекс ия 282.2-рэ статья ия 2-рэ Iахь къыдилъытэрэ бзэджэшIагъэ зэрихьагъэкIэ егуцафэх Адыгэ Республикэм щыпсэурэ хъулъфыгъэм.
Экстремист организацием иIофшIэн зэрэхэлажьэрэм пае уголовнэ Iоф ащ къыфызэIуахыгъ.

АщкIэ лъапсэ хъугъэр Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэмрэ АР-м хэгъэгу кIоцI IофхэмкIэ и Министерствэрэ оперативнэ-лъыхъун Iофтхьабзэхэу зэрахьагъэхэм къакIэкIогъэ материалхэр ары.
ЗэрагъэунэфыгъэмкIэ, 2020-рэ илъэсым чъэпыогъум къыщегъэжьагъэу 2025-рэ илъэсым Iоныгъом нэс Урысые Федерацием ихабзэгъэуцугъэ диштэу экстремистскэкIэ алъытагъэм иIофшIэн чанэу ар хэлэжьагъ. Анахьэу пшъэдэкIыжь зыщахьырэ чIыпIэхэм ащаIыгъхэм азыфагу ащ фэдэ пропагандэр зыщи­гъэлъэшыщтыгъэр.
ДжырэкIэ уголовнэ Iофым епхыгъэ IэубытыпIэхэм язэIугъэкIэн ыуж итых.
Урысыем щынэгъончъэнымкIэ
и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу