Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ Мыекъопэ телевидением иIофышIэ фэдэу кIощтыгъэу хабзэр зыукъуагъэм игъогупэ пибзыкIыгъ.

Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ оперативнэ-лъыхъун Iофтхьабзэу зэрихьагъэхэр IэубытыпIэ къызыфишIыхэзэ, Урысыем хэгъэгу кIоцI IофхэмкIэ и Министерствэ къалэу МыекъуапэкIэ иотдел хабзэр зыукъуагъэм Урысыем и Уголовнэ кодекс ия 159-рэ статья ия 3-рэ Iахь диштэу уголовнэ Iоф къыфызэIуихыгъ.
Нафэ къызэрэхъугъэмкIэ, пшъэдэкIыжь зыхьырэ секретарэу Мыекъопэ телевидением аштагъэ фэдэу IофшIэн зэзэгъыныгъэ нэпцI ащ дашIыгъ, сомэ мин 500-м ехъурэ лэжьапкIэу къыратыгъэр ежь зэрэшIоигъоу ыгъэфедагъ.
БзэджэшIагъэм изехьан лъапсэ фэхъугъэхэм ягъэу­нэфын тегъэпсыхьэгъэ следственнэ Iофтхьабзэхэр джыдэдэм зэрахьэх.
Урысыем щынэгъончъэнымкIэ
и Федеральнэ къулыкъу Адыгэ РеспубликэмкIэ
и ГъэIорышIапIэ ипресс-къулыкъу