Щэ-гынхэр иунэ къырагъотагъэх
Къалэу Мыекъуапэ щыпсэурэ хъулъфыгъэм иIоф аIуагъ хэбзэнчъэу щэ-гынхэр иунэ зэрэщигъэбылъыхэрэм фэшI.
Адыгэ Республикэм и Мыекъопэ къэлэ хьыкум илъэс 50 зыныбжь Константин Умеренкэм уголовнэ Iофэу къыпагъэтэджагъэмкIэ унашъоу ашIыгъэм щигъэгъозагъэх. Урысыем и Уголовнэ кодекс ия 223-рэ статья иа 1-рэ Iахь къыдилъытэрэ бзэджэшIагъэхэр зэрэзэрихьагъэхэм фэшI ар агъэмысагъ.
Адыгэ Республикэм щыIэ Следственнэ гъэIорышIапIэмрэ оперативнэ лъыхъуакIохэмрэ зэрагъэунэфыгъэмкIэ, К. А. Умеренкэм ежь-ежьырэу кIэрахъо ышIыгъ, щэ-гынхэри гъусэ фишIыжьыгъэх.
Уголовнэ Iофыр къэзыIэтыгъэри, зэхэзыфыгъэри Урысыем хэгъэгу кIоцI IофхэмкIэ и Министерствэ иследственнэ къутамэу къалэу Мыекъуапэ щыIэр ары.
Адыгэ Республикэм и Мыекъопэ къэлэ хьыкум ышIыгъэ унашъомкIэ К. А. Умеренкэм условнэу илъэси 4 тыралъхьагъ, ащ нэмыкIэу тазырэу сомэ мини 100 ытыжьыщт. Унашъом хэбзэ кIуачIэ иIэ хъугъэ.
Мыекъопэ къэлэ хьыкумым
ипресс-къулыкъу