Урысыем ихьыкум приставхэм я Федеральнэ къулыкъу и ГъэIорышIапIэу Адыгэ Республикэм щыIэм иIофышIэхэм 2025-рэ илъэ­сым IэкIыб къэралхэм къарыкIыгъэ нэбгырэ 26-рэ УФ-м рагъэкIы-
жьыгъэх кощын Iофым фэгъэхьыгъэ хэбзэгъэуцугъэр зэраукъуагъэм фэшI.

ХьыкумышIхэм ащ фэдэу хэбзэгъэуцугъэу щыIэр зыукъохэрэр егъэзыгъэ IофкIэ хэгъэгум рафынхэу фитыныгъэ яI. Гурыт Азием щыщ нэбгырэ 26-р зыфагъэмысагъэр УФ-м и Уголовнэ кодекс ия 18.8-рэ статья ия 1.1-рэ Iахь зэраукъуагъэм фэшI. Урысые Федерацием ущыпсэунымкIэ официальнэу агъэнэфэгъэ шапхъэу щыIэхэр зыукъохэрэм хэгъэгур арагъэ­бгынэнымкIэ лъэпсэ икъу щыIэ зыхъукIэ, Федеральнэ законэу «УФ-м укъызэрихьащт ыкIи узэрикIыжьыщт шIыкIэм ехьылIагъ» зыфиIорэм диштэу ахэм адэзекIох. Мыщ дэжьым къыхэгъэщыгъэн фае: ащ тетэу тихэ­гъэгу зэрагъэбгынагъэхэм илъэси 5 темышIэу къи­хьанхэу фитыныгъэ яIэп.
Хьыкум приставхэм я Федеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу