Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм иIофышIэхэм къыхагъэщыгъ Республикэу Дагъыстан къыщыхъугъэ, илъэс 20 зыныбжь хъулъфыгъэу Адыгэ Республикэм щыпсэурэм Урысыем и Уголовнэ кодекс ия 205.1-рэ статья ия 1.1-рэ Iахь къыдилъытэрэ бзэджэшIагъэ зэрэзэрихьагъэр: террористическэ организацием иIофшIэн хищэнхэм ыуж итыгъ.

ЗэрагъэунэфыгъэмкIэ, къуаджэу АдыгеякIэм щыщэу «МЕГА Адыгея — Кубань» зыфиIорэм террористическэ акт щызехьэгъэным дэлажьэщтыгъэ хъулъфыгъэм инэIосэ благъэу ар щытыгъ, Тэхъутэмыкъое районым щыпсэурэ ныбжьыкIэхэу диныр зылэжьыхэрэм ащыщ­хэу терроризмэм епхыгъэ куп гъэнэфагъэхэм ахэпщэнхэмкIэ нахь тIэсхъапIэ фэдэу зэгуцафэхэрэр пыщэгъу ышIыщтыгъэх. Урысые Федерацием щамыдэрэ материалхэу дунэе террористическэ организацием къыпкъырыкIыхэрэр ахитIупщыхьэщтыгъэх. Республикэм ащ фэдэ бзэджэшIагъэ щызехьэгъэн фаеу ахэм агуригъаIощтыгъ.
Урысыем и ФСБ и ГъэIорышIапIэу Адыгэ Рес­публикэм щыIэм иотдел Урысыем и Уголовнэ кодекс къыдилъытэрэ бзэджэшIагъэ ащ зэрихьагъэу ылъыти, уголовнэ Iоф къыфиIэтыгъ.
Адыгэ Республикэм и Следственнэ гъэIорышIапIэ
ипресс-къулыкъу