БзэджашIэхэм пшъэ­дэ­кIыжь ягъэхьыгъэнымкIэ федеральнэ къулы­къум и ГъэIорышIапIэу Адыгэ Республикэм щыIэм зэпхыныгъэ адыряIэнымкIэ муфтиим игуадзэу, Iимамэу Мысс Асфар Лъэустэнхьаблэ дэт хьапс поселениеу N 1-м бэмышIэу щыIагъ.

Ащ щагъэпщынэхэрэм бэрэскэшхо нэмаз аригъэшIыгъ.
Джащ фэдэу Мысс Асфар хьапсым чIэсхэм зэдэгущыIэгъу адыриIагъ, дин конфессие зэ­фэшъхьафхэм уасэ зэрафашIын фаер ариIуагъ, щынагъо къэзытырэ идеологиехэм защаухъу­мэнхэу къяджагъ.
КIэухым упчIэхэм джэуапхэр Iимамым къаритыжьыгъэх.
Тишъолъыр мамырныгъэрэ зэгурыIоныгъэрэ илъынхэмкIэ дин конфессиехэм ыкIи общест­веннэ институтхэм зэпхыныгъэ яIэу Iоф зэрэзэдашIэрэм мэхьанэшхо зэриIэр ащ хигъэунэфыкIыгъ.