Адыгэ Республикэм ыкIи Пшызэ шъолъыр ащы­псэурэ быслъымэнхэм я ДиндэлэжьапIэ икIэщакIоу ныбжьыкIэ по­литикэмкIэ ипрограммэ хахьэу КъурIан еджэхэрэм азыфагу Мыекъопэ гупчэ мэщытым зэнэкъокъу щыкIуагъ.

Мы IофтхьабзэмкIэ зэхэщакIо­хэм пшъэрылъэу яIагъэр быслъы­мэнхэр КъурIан еджэным къыфэщэгъэнхэр ыкIи дэгъоу еджэхэрэр къыхэгъэщыгъэнхэр ары.
Iофтхьабзэм хэлэжьагъэх ­Адыгэ Республикэм ыкIи Пшызэ шъолъыр ащыпсэурэ быслъымэн бзылъфыгъэхэу, ныбжь зэфэшъхьаф зиIэхэу Мыекъуапэ ыкIи ащ къыпэIулъ къутырэу Гавердовскэм дэсхэр. ЗэкIэмкIи ахэр нэбгырэ 19 хъущтыгъэх.
КъурIан еджэнымкIэ шIэныгъэу аIэкIэлъым уасэ фашIыгъ Iимамхэу Шъхьэлэхъо Ибрахьим, Ибрахим Фатине, Кариман Къэншъао.
Адыгэ Республикэм ыкIи Пшызэ шъолъыр ащыпсэурэ быслъы­мэнхэм я ДиндэлэжьапIэ къызэрэщаIуагъэмкIэ, зэнэкъокъум хэлэжьагъэхэм зэкIэми шIэныгъэ дэгъу къагъэлъэгъуагъ.
Аныбжь елъытыгъэу зыхэ­хьэ­хэрэ купхэм апэрэ чIыпIэхэр къа­щыдахыгъэх Дачъэ Сэтэнай, Райимжанова Аиша ыкIи Мир­зодебирова Хадиджа.
ЯтIонэрэ чIыпIэхэр афагъэшъо­шагъэх Мирзодебирова Сумайе, Элясова Софие ыкIи Нэшъулъэщэ Даринэ. Ящэнэрэ хъугъэх Алый Аишэрэ Еутых Данэрэ.
ТекIоныгъэ къыдэзыхыгъэхэм ыкIи хэлэжьагъэхэм шIухьафтынхэр аратыжьыгъэх. Джащ фэдэу КъурIан еджэным фэзыгъэсэгъэхэ кIэлэегъаджэхэу Светлана Окованцевамрэ Ибрахим Фатинерэ щытхъу тхылъхэр ыкIи ахъщэ шIу­хьафтынхэр афагъэшъошагъэх.