АР-м культурэмкIэ и Министерствэ иобщественнэ Советрэ цIыфхэм фэIо-фашIэхэр ягъэгъотыгъэнхэмкIэ культурэм илэжьапIэхэм IофшIэныр зэращызэхэщагъэм уасэ фэзышIырэ общественнэ Советымрэ мы илъэсымкIэ апэрэ зэхэсыгъо яIагъ. Ар зэрищагъ министрэм игуадзэу Кушъу Светланэ.

Iофыгъо шъхьаIэу зытегущыIа­гъэхэр 2026-рэ илъэсымкIэ об­щественнэ советхэм рагъэкIокIыщт уплъэкIунхэм ахэфэщт учреждениехэр ары. КъэIогъэн фае, культурэмкIэ Министерствэм щызэхэщэгъэ общественнэ советхэм ячэ­зыу илъэсищ IофшIэгъу пIалъэ макIо. 2025 — 2027-рэ илъэсхэм ар ателъытагъ. Ащ щыгъэнэфагъ культурэм илэжьэпIэ 50 ауплъэкIун фаеу. Пчъагъэм изы Iахь блэкIыгъэ илъэсым къакIухьагъ. МыгъэкIэ учреждение 17-р агъэнэфагъ. Ахэр Мыекъуапэ, Адыгэкъалэ, Тэхъутэмыкъое, Теуцожь районхэм ащэлажьэх. Зэхэсыгъом хэлэжьагъэхэм псэупIэ пэпчъкIэ дэкIыгъо мафэхэр агъэнэфагъэх.
ЗэIукIэгъум ыкIэм АР-м культу­рэмкIэ и Министерствэ ирэзэныгъэ тхылъхэр чанэу Iоф зышIагъэхэм Кушъу Светланэ аритыжьыгъэх.
Анцокъо Ирин.