СамбэмкIэ Урысыем ипервенствэ щылэ мазэм и 30-м къыщегъэжьагъэу мэзаем и 2-м нэс къалэу Краснодар щыкIуагъ. Илъэс 16 — 18 зыныбжь кIалэхэм ыкIи пшъашъэхэм заушэтыгъ. Къэралыгъом исамбист анахь лъэшхэр зэнэкъокъугъэх, текIоныгъэм ыкIи хагъэунэфыкIырэ чIыпIэхэм афэбэнагъэх.

Адыгэ Республикэм испортсменэу Цэй Алый килограмм 58-рэ къэзыщэчыхэрэм якуп хэтыгъ. ТикIалэ ухьазырыныгъэ дэгъу къыгъэлъэгъуагъ, дышъэ медаль къыфагъэшъошагъ. Гъэ­хъагъэу ышIыгъэм ишIуагъэкIэ самбэмкIэ дунаим ипервенствэ Урысыер къыщигъэлъэгъонэу фитыныгъэ къыдихыгъ. Ар 2026-рэ илъэсым бжыхьэм Грецием щыкIощт.
Тиспортсменрэ ащ итренерэу Р. Джарымэкъомрэ тафэгушIо, тидышъэ медалист тапэкIи республикэм ыцIэ дахэкIэ раригъэIонэу, джыри нахь лъэгэпIэ инхэм анэсынэу фэтэIо.