Тхьамафэм — упчIэ 250-м нахьыб. АР-м и ЛIышъхьэ иIэщт зэIу­хыгъэ зэдэгущыIэгъум пае республикэм щыпсэухэрэм къатырэ упчIэхэм ятхын макIо. Ащ тегъэпсыхьэгъэ гупчэм номерэу 122-мкIэ ахэр еугъоих.

Шъолъырым ипсэупIэ зэфэшъхьафхэм цIыфхэм къара­шIыкIы. Анахь чанхэр Мые­къуапэрэ Мыекъопэ районымрэ ащыпсэухэрэр ары. УпчIэхэм янахьыбэр зыфэгъэхьыгъэр псэупIэ-коммунальнэ
хъыз­мэтыр, медицинэр, социальнэ IэпыIэгъур, транспортыр. Гупчэм мафэ къэс Iоф ешIэ. IофшIэгъу мафэхэм пчэдыжьым сыхьатыр 8-м къы­щегъэжьагъэу пчыхьэм 8-м нэс, зыгъэпсэфыгъо мафэхэм пчэдыжьым сыхьатыр 8-м къыщыублагъэу мафэм 2-м нэс. Шъугу къэдгъэкIыжьын, АР-м и ЛIышъхьэ изэIухыгъэ зэдэгущыIэгъу тыгъэгъазэм и 11-м пчыхьэм сыхьатыр 7-м телеканалэу «Урысыер-24-
мкIэ» ыублэщт. Джащ фэдэу КъТРК-у «Адыгеим» исайтрэ и Rutube-каналрэ, платформэу «Смотрим» зыфиIорэм ыкIи ЛIышъхьэм исоциальнэ нэ­кIубгъохэм ар арыжъугъотэщт. ЗэдэгущыIэгъур мэкIофэ уп­чIэхэм ятхын зэпыущтэп.
Анцокъо Ирин.