2026-рэ илъэсым щылэ мазэм и 1-м къыще­гъэ­жьагъэу Урысыем ыкIи Белоруссием яспорт­смен­хэр ялъэпкъ быракъхэм ачIэтхэу ыкIи ягимнхэр къырагъаIозэ самбэмкIэ дунэе мэ­хьа­нэ зиIэ зэнэкъокъухэм ахэлэжьэнхэ амал яIэщт.

Мыщ фэдэ унашъо ышIыгъ самбэмкIэ Дунэе федерацием игъэцэкIэкIо комитет.
Илъэсэу тызхэтым ичъэпыогъу къыщыублагъэу ныбжьыкIэхэм ыкIи зыныбжь имыкъугъэхэм ду­нэе мэхьанэ зиIэ турнирхэм за­щаушэтын алъэкIынэу фитыныгъэ къаратыжьыгъ. FIAS-м ипрезидентэу Василий Шестаковым къызэриIуагъэмкIэ, мыщ фэдэ унашъом ишIуагъэкIэ спортсменхэм яфитыныгъэхэр зэтегъэуцо­жьыгъэхэ мэхъу.
Мыщ ыпэкIэ тиспортсменхэм зэнэкъокъу зэфэшъхьафхэм быра­къыр къащагъэлъэгъон ыкIи гимныр къащаIон алъэкIынэу дзюдомкIэ Дунэе федерацием фитыныгъэ къаритыгъ. Абу-Даби щыкIогъэ турнирым тидзюдоистхэм а амалыр щагъэфедагъ. Джащ фэдэу 2022-рэ илъэсым къыщегъэжьагъэу апэрэу муай-таимкIэ Европэм ипервенствэу Грецием щыкIуагъэм Урысыем ихэшыпыкIыгъэ командэ хэлэжьэн ылъэ­кIыгъ, дышъэ медаль 46-рэ къыщихьыгъ. Быракъыр ыкIи гимныр агъэфедэн алъэкIыщт тикикбоксерхэми.
Урысыем и Президентэу Влади­мир Путиныр дзюдомрэ самбэм­рэ­кIэ спортым имастер, арышъ, ду­нэе бэнэн сообществэм ащ шъхьэ­кIэфэныгъэшхо къыщыфашIы.