Футбол клубэу «Краснодар» Кубок шъхьаIэм икъыдэхын зыщыфегъэ­хьазыры спорткомплексэу «Чэтыукъом».

ПсыуцупIэу ар къэзыуцухьэрэм ыцIэкIэ псэуалъэм еджэх, Краснодар километри 10-кIэ пэчыжь, Адыгэ Республикэм ишъолъыр ит. Командэм шапхъэхэм адиштэу футбол ешIэпIитф иI, ахэм анахь цIыкIоу джыри зы, искусственнэ уц алырэгъу зытелъ ыкIи чэщырэ къэнэфырэ ешIапIи ащ щыгъэ­псыгъ.
Мы мафэхэм зэрэфэбэ дэдэм емылъытыгъэу, футболистхэм яIофшIэн зэпыурэп. Командэм итренер шъхьаIэу Мурад Муса­евым спортсменхэр щигъэгъо­загъэх ятренировкэхэр зыщыкIощтхэ уахътэм ыкIи ом изытет къы­далъытэзэ, языгъэпсэфыгъо уахътэ тэрэзэу зэхэщэгъэн зэ­- рэ­фаем анаIэ тыраригъэдзагъ.
Футбол командэр зыгъэпсэфыгъом къызэрикIыжьыгъэм епхыгъэ къэбарым дакIоу щыгъуазэ ты­хъугъ бэдзэогъум и 12-м «Краснодар» 2024 – 2025-рэ илъэсхэм Урысыем и Кубок зыIыгъыгъэу, Урысыем ичемпионэу «ЦСК-м» зэрэIукIэщтым. ЕшIэгъур къалэу Казань щыкIощт.
Футбол командэу «ЦСК-м» Кубок шъхьаIэр гъогогъуи 7-рэ фагъэшъошагъ, «Краснодарым» ащ фэдэ гъэхъагъэ иIэп.

БзэшIу Асхьад.