Краснодар краим футболымкIэ ичемпионат иапшъэрэ лигэ хэтхэм яя 12-рэ къекIокIыгъо къыдыхэлъытэгъэ ешIэгъоу «Зэкъошныгъ-2-м» иIа­гъэр Мые­къуапэ щыкIуагъ. Ар станицэу Выселки ифутбол клубэу «Апо­ллония» зыфиIоу турнир таблицэм аужырэ чIыпIэр щызыIыгъым IукIагъ.

Тренерхэу Александр Белоус ыкIи Роман Малаховым агъэсэрэ кIалэхэм зэIукIэгъум иапэрэ та­къикъхэм къащыублагъэу ар аухыфэ ешIэкIэ дэгъу къагъэлъэ­гъуагъ. Апэрэ зыгъэпсэфыгъом командэхэр мыкIохэзэ, гъогогъуи 6-рэ ахэм хьакIэхэм якъэлапчъэ Iэгуаор дадзагъ. ЗэIукIэгъум иапэ­рэ Iахь мэкIофэ ащ фэдэ амал хьакIэхэм зэ зэряIагъэр. ЕшIэгъум иятIонэрэ Iахьи тикIалэ­хэм етIани Iэгоуи 7 хьакIэхэм афыдадзагъ.
«Зэкъошныгъ-2-м» ифутболистхэу анахь дэгъоу ешIагъэхэу къыхагъэщыгъэх Лам Пщымафэ (Iэгоуи 3), Адонис Кесовыр (2), Дмитрий Ширковскэр (2), Никита Грызунковыр (2), Едыдж Тамирлан, Хьапыщт Алан, Ринат Канкуловыр. Пчъагъэр 13:1-у зэIукIэгъур аухыгъ.
Турнир таблицэм «Зэкъош­­- ныгъ-2-м» яблэнэрэ чIыпIэр щи­Iыгъ. Тульскэм икомандэу «Урожаир» апэрэ чIыпIэм щыт.
Я 13-рэ турым «Зэкъош­- ныгъ-2-р» IукIэщт Новомышастовскэ ифутбол клуб.
Командэхэр чIыпIэу зыдэщытхэр ыкIи очко пчъагъэу яIэр:

1. «Урожай» (п.Тульскэр) — 29
2. «Петра-2022» (Новомышастовскэр) — 26
3. «Кубань-Холдинг» (Павловскэ район) — 25
4. «ГНС-Спартак» (Краснодар) — 20
5. «Урожай» (ст. Ивановскаяр) — 20
6. «Жемчужина» — (Шъачэ) — 14
7. «Зэкъошныгъ-2» (Мыекъуапэ) — 13
8. «Торпедо» (Армавир) — 8
9. «Олимп-Универспорт» (Краснодар)
10. «Аполлония» (ст. Выселки) — 0

БзэшIу Асхьад.