Адыгэ Республикэм щыIэ Оперативнэ штабым унашъо зэришIыгъэу, телевидением, радиом, гъэзетхэм ыкIи Интернетым, социальнэ хъытыухэри ахэтхэу, яамалхэр къызфэбгъэфедэзэ янэкIубгъохэм къыкIэлъыкIощт тхыгъэхэр къарыбгъахьэ хъущтэп:

— дзэм, ащ итехникэ, дзэ къулыкъушIэхэр зыщызекIохэрэм, зэпхыкIэ зэфэшъхьафхэм, гъэстыныпхъэм ыкIи энергетикэм язэхэт комплекс, промышеннэ лъэныкъом, лъэмыджхэр зыдэщыIэхэм афэгъэхьыгъэ къэбархэу, сурэт ыкIи видеотехыгъэхэу чIыпIэу зыдэщыIэхэр къэзыгъэлъагъохэрэр;
— Адыгэ Республикэм ичIыпIэхэу дзэ е нэмыкI псэолъэ зэфэшъхьафхэу къэорэ пкъыгъохэр къызтефагъэхэр, ошъогур къызэраухъумэрэр, цIыф зэрымыс быбырэ аппаратхэр ыкIи нэмыкI Iэмэ-псымэхэр зыфэдэхэр, зыдэщыIэхэр, зыщатIупщыгъэхэр, ахэр лъэныкъоу зыдэгъэзагъэхэр е зытефагъэхэр къэзыгъэлъэгъорэ къэбархэр, ахэм сурэт техыгъэхэри ягъусэжьхэу.
Мы Iофыгъохэр шъолъырым иобщественнэ щынэчъон­чъагъэ ыкIи рэхьатныгъэу илъым якъэухъумэн фэгъэ­хьыгъэх.
Оперативнэ штабым иунашъо зымыгъэцакIэхэрэм пшъэдэкIыжь арагъэхьыщт: цIыф къызэрыкIохэм — сомэ минитфым нэсэу административнэ тазыр атыралъхьащт, IэнатIэхэм аIутхэм — сомэ мин 15, хъыз­мэтшIапIэхэр сомэ минишъэм нэсэу агъэпщынэщтых.
УФ-м щынэгъончъэнымкIэ и Федеральнэ къулы­къу АР-мкIэ и ГъэIорышIапIэ ипресс-къулыкъу