Хэбзэгъэуцугъэм къызэрэдилъытэу, зэшъхьэгъусэхэм ямылъку птетхэгъэн, бгъэфедэн ыкIи бгъэзекIон плъэкIыщт нэбгыритIум азыфагу зэзэгъыныгъэ илъ хъумэ. Ахэм къащэфыгъэр зэкIэри зэдэпсэухэзэ къаIэкIэхьэгъэ мылъкоу алъытэ. Мылъкур хъулъфыгъэр е бзылъфыгъэр арыми зытетхагъэм мэхьанэ иIэу щытэп.

Зэшъхьэгъусэхэр зэдэпсэухэзэ зэрагъэгъотыгъэ мылъкум игъэзекIон епхыгъэ зэзэгъыныгъэ тхыгъэ шIыкIэм тетэу зэдашIын алъэкIыщт.
НэбгыритIум ащыщэу мылъкоу яIэм епхыгъэ къэралыгъо фэIо-фашIэхэр зым зэшIуихы хъумэ, ятIонэрэм нотариальнэу къэгъэшъыпкъэжьыгъэу ащ къызэрэдыригъаштэрэр зэрытхэгъэ тхылъ иIэн фае. Ащ фэдэ щымыIэмэ, нэбгыритIум ащыщэу зым хьыкумым Iофыр ритын фит.
Хэбзэнчъэу зы нэбгырэр зыщызекIогъэ мафэм щегъэжьагъэу зы илъэсым къыкIоцI зэхэфын IофшIэнхэм ауж уихьэ хъущт. Мы шапхъэр Урысые Федерацием и Унэгъо кодекс ия 35-рэ статья къыделъытэ.
Нотариальнэ шIыкIэм тетэу зэзэгъыныгъэ зэшъхьэгъусэхэм ащыщэу зым ымытыгъэмэ, ащ епхыгъэ къэбарыр хэушъхьафыкIыгъэ реестрэм дэлъыщт. А Iофыгъом сыдигъокIи щэфакIохэм анаIэ тетын фае.
Ау къыхэкIы зэшъхьэгъусэхэм агъэфедэрэ мылъкур зы нэбгырэм тетхагъэу ыкIи ар ыщэн фитэу. Ар къафадэ нэбгыритIум унагъо амышIэзэ зым а мылъкур иIагъэу щытмэ е шIухьафтынэу къыратыгъагъэмэ.
Мыекъопэ къэлэ прокуратурэм ипресс-къулыкъу