Зэпыу имыIэу шъолъырым электроэнергиер IэкIэзы­гъахьэрэм шъугу къегъэ­кIыжьы цIыфхэм агъэфе­дэрэ электричествэм ыуасэ 2025-рэ илъэсым бэдзэогъум и 1-м къыщыублагъэу зэхъокIыныгъэхэр зэрэфэхъущтыр. Рахъухьэрэ индексациер уасэхэм алъыплъэгъэнымкIэ Краснодар краим и Департамент ыштагъ.

Бэдзэогъум и 1-м къыщыублагъэу къалэм щыпсэухэрэм апэрэ диапазонымкIэ зы кВтч-м соми 7,35-рэ лъатыщт. Къоджэ псэупIэм ащыпсэухэу, электрическэ хьакухэр зыгъэфедэхэрэм ыкIи ащкIэ унэр зыгъэплъыхэрэм зы кВтч-м соми 5,15-рэ лъатыщт.
Мэкъуогъум жъугъэстыгъэр зыфэдизыр уасэу щыIэмкIэ къэлъытэгъэным фэшI 2025-рэ илъэсым мэкъуогъум и 25-м нэс ар аIэкIэжъугъэхьан фае.
Мыщ фэгъэхьыгъэ къэбар игъэкIотыгъэр уасэхэм алъыплъэгъэнымкIэ Краснодар краим и Департамент исайт ижъугъотэщт.
Тамара Шармина.
«ТНС Кубань энерго» ипресс-къулыкъу.