Илъэсым ияблэнэрэ мазэу бэдзэогъум бзыфыр мэкъэгъагъэ. Ащ нэмыкIэу пчыкIэр зыхэт уаехэр къызэрэхафэхэрэм къыхэкIэу ижъыкIэ къыщегъэжьагъэу мы мазэм «грозовиккIэ» еджэх. Бэдзэогъум лэжьыгъэр Iуахыжьы ыкIи мэкъур аупкIэ.

татистикэм къызэригъэлъагъорэмкIэ, Адыге­имкIэ гъэмафэм имэзэ шъхьаIэу бэ­дзэогъур анахь мэзэ фабэу щыт. Сыхьати 8-м ехъурэ тыгъэр къепсы. Гурыт Азием къикIырэ жьы фабэр Адыгеим къызынэсыкIэ, температурэр хэпшIыкIэу дэкIуае. Мыщ фэдэ мафэхэм жьаум гурытымкIэ фабэу чIэтыр градус 37 — 39-м нэсы. Гъэмафэм иятIонэрэ мазэ нахь фабэу къызщыхэкIыгъэр 2000-рэ илъэсыр ары, фабэу градус 41-рэ агъэунэфыгъагъ.
ГидрометеорологиемкIэ ыкIи тыкъэзыуцухьэрэ дунаим иуплъэкIункIэ Гупчэм къызэритыгъэмкIэ, бэдзэогъум жьы фабэр ыкIи гъушъэр Гурыт Азием къикIыщт. ГурытымкIэ мазэм температурэу щыIэщтыр шапхъэхэм афэдизыщт, ощхэу къещхыщтым ибагъэ шапхъэхэм анахь мэкIэщт. Мазэм ощхи ошъуи щыIэщтых.
Апэрэ мэфипшIыр. Чэщым градус 14 — 19 щыIэщт. Мафэм фабэр градус 26 — 31-рэ, 35-м кIахьэуи хъущт.
ЯтIонэрэ мэфипшIыр. Чэщым — градус 15 — 20, мафэм фабэр градус 27 — 32-м кIэхьащт.
Ящэнэрэ мэфипшIыр. Чэщым фабэр градус 16 — 21-рэ, мафэм градус 27 — 36-м анэсыщт.
Ощх бэрэ къыземыщхыкIэ, машIо къэхъуным ищынагъо щыIэщт. Псыхъохэм адэт псыр шапхъэу щыIэхэм ашIокIыщтэп. Ау лъэшэу къызещхырэм, ахэм адэт псыр къыдэкIоен ылъэкIыщт.
Мэкъумэщ культурэхэм алъэныкъокIэ лэ­жьыгъэм иIухыжьынкIэ ом изытет гумэкIы-
гъо къыздихьыщтэп.
КIарэ Фатим.