Нэбгырэ мини 5-м ехъу хэлэжьагъ
Республикэм икъэлэ шъхьаIэ икIэлэеджакIохэм я Спартакиадэ зэфэхьысыжь фашIыгъ.
Мыекъуапэ дэт еджэпIэ 26-мэ ачIэс нэбгырэ мини 5-м ехъумэ заушэтыгъ. Спартакиадэм къыдыхэлъытагъэу ахэр спорт лъэныкъуи 10-кIэ зэнэкъокъугъэх, якомандэхэм очкохэр къафахьыгъ.
Зэфэхьысыжьхэм къызэрагъэлъэгъуагъэмкIэ, блэкIыгъэ илъэсым фэдэу апэрэ купым текIоныгъэр къыщыдихыгъ Мыекъопэ гимназиеу N 22-м, лицееу N 19-р ятIонэр, гурыт еджапIэу N 17-м ящэнэрэ чIыпIэр фагъэшъошагъ. ЯтIонэрэ купым Мыекъопэ гимназиеу N 5-м икIэлэеджакIохэр нахь щылъэшыгъэх, гъэсэныгъэ гупчэу N 18-м ыкIи гурыт еджапIэу N 10-м ялIыкIохэм ятIонэрэ, ящэнэрэ чIыпIэхэр къыдахыгъэх.