Урысые физкультурэ-­спорт комплексэу «Iоф­шIэным ыкIи зыкъэухъу­мэжьыным сафэхьазыр» зыфиIорэм итхьамафэ Адыгеим икъэлэ шъхьаIэ щыкIощт.

Ащ къыдыхэлъытагъэу мэкъуогъум и 23-м щегъэжьагъэу и 27-м нэс шIоигъоныгъэ зиIэхэр республикэ стадионэу «Зэкъошныгъэм» къекIолIэнхэшъ, шап­хъэхэр атынхэ алъэкIыщт. Илъэси 6-м щегъэжьагъэу 90-м нэс зыныбжьыхэр Iофтхьабзэм хэлэжьэнхэу амал яIэщт.
ЗэхэщакIохэм къызэраIуагъэмкIэ, нэбгырэ пэпчъ тхьамафэм имэфэ гъэнэфагъэ къыхихынышъ, ифизическэ ухьазырыныгъэ ыуп­лъэкIун ылъэкIыщт. Ушэтынхэм ахэлажьэхэрэр аныбжь елъытыгъэу зэтеутыгъэх.
Iофтхьабзэм шъухэлэжьэным фэшI Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм иофициальнэ сайт пэшIорыгъэшъэу зыщышъутхын фае. Шапхъэхэр зыщышъутыщт мафэм паспортыр е свидетельствэр, джащ шъуипсауныгъэ шапхъэхэм зэрадиштэрэр зэрытхэгъэ медицинэ тхьапэр зыдэ­шъуIыгъынхэ фае.
Блыпэм къыщегъэжьагъэу бэ­рэскэшхом нэс пчэдыжьым сы­хьатыр 8-м щыублагъэу 16.30-м нэс шапхъэхэр шъутынхэ шъулъэ­кIыщт. Ащ фэгъэхьыгъэ игъэкIотыгъэ къэбар ижъугъотэщт Урысые физкультурэ-спорт комп­лексэу «IофшIэным ыкIи зы­къэухъумэжьыным сафэхьазыр» зыфиIорэм иофициальнэ сайт. ШъузгъэгумэкIырэ упчIэхэм яджэуапхэр къаритыжьыщт Мые­къуапэ физическэ культурэмкIэ ыкIи спортымкIэ и Комитет.