Адыгэ къэралыгъо университетым истуден­тэу Артем Боцман Урысые олимпиадэу
«Я — профессионал» зыфиIорэм ия VIII-рэ уцугъо хэлэжьагъ ыкIи анахь дэгъоу зыкъэзы­гъэлъэгъуагъэхэм ащыщ хъугъэ. Президентскэ платформэу «Урысыер — амалышIухэр зыIэ­кIэлъ къэралыгъу» зыфиIорэм къыдыхэлъытагъэу ар зэхащэ.

«Управление цифровым продуктом и инноватика» ыкIи «Фи­нансы и кредит» зыфиIорэ лъэныкъохэмкIэ Артем Боцман шIэныгъэ куу къы-гъэ­лъэгъуагъ, дипломитIу къыфагъэшъошагъ.
Лъэпкъ проектэу «НыбжьыкIэхэр ыкIи кIэлэцIыкIухэр» зыфиIорэм къыдыхэлъытагъэу, Урысые Федерацием шIэны­гъэмрэ апшъэрэ гъэсэныгъэм­рэкIэ и Министерствэ яIэпыIэгъоу Iофтхьабзэр зэхащэ. Мы илъэсым Урысыем ишъолъыр 89-мэ къарыкIыгъэ нэбгырэ мини 185-м ехъу ащ хэлэжьагъ, лъэныкъо 71-мкIэ яшIэныгъэхэр къагъэлъэгъуагъ.
Олимпиадэм анахь дэгъоу зыкъыщызгъэлъэгъуагъэхэм компание инхэм стажировкэ щахьын амал яIэщт, магистратурэм ыкIи аспирантурэм чIэ­хьанхэмкIэ фэгъэкIотэнхэр яIэ­щтых, медаль къэзылэжьыгъэхэм ахъщэ шIухьафтынэу сомэ мин 300 фэдиз аратыщт.
Адыгэ къэралыгъо универ­ситетым
ипресс-къулыкъу.