2025-рэ илъэсым мэлылъфэгъум и 7-м аштэ­гъэ Федеральнэ законэу N 59-р зытетэу «Административнэ хэ­бзэукъо­ныгъэхэмкIэ Урысые Федерацием и Кодекс зэ­хъокIыныгъэхэр фэшIыгъэнхэм ехьылIагъ» зыфиIорэм 2025-рэ илъэсым бэдзэогъум и 1-м ­къыщегъэжьагъэу кIуа­чIэ иIэ хъущт.

Электрон амалхэмкIэ документхэр зэрэзэIэкIагъэхьэхэрэ, административнэ хэбзэукъоныгъэхэмкIэ Iофхэм пэIудзыгъэу зэрахэлэжьэхэрэ шIыкIэр ащ щыгъэнэфагъ.
ГущыIэм пае, ащ диштэу ад­министративнэ хэбзэукъоны­гъэхэмкIэ Iофым хэлажьэхэрэм лъэIу, тхьаусыхэ, дао тхылъыр ыкIи нэмыкI документхэу электрон шIыкIэкIэ къагъэхьазы­рыгъэхэр, электрон документыр, ащ игъусэ документхэр хьыкумым IэкIагъэхьанхэ алъэ­кIыщт къэралыгъо фэIо-фашIэ-
хэм япор­тал зыкIыкIэ, е Урысые Федерацием и Апшъэрэ Хьыкум, Урысые Федерацием и Апшъэрэ Хьыкум къепхыгъэ Хьыкум департаментым агъэнэфэгъэ къэ­бар системэмкIэ, е админист­ративнэ хэбзэукъоныгъэхэмкIэ Iофхэм ахэлажьэхэрэм электрон шIыкIэм тетэу документхэр къы­зэрэрагъэкIокIырэ системэмкIэ ыкIи ведомствэхэм электрон зэпхыныгъэ зэрэзэдыряIэ сис­темэ зыкIымкIэ.
Зигугъу къэтшIыгъэ документхэм зэракIэтхэхэрэ шIыкIэри мы Законым къыщызэхэфыгъ. Веб-конференциехэр къызфа­гъэфедэхэзэ, административнэ хэбзэукъоныгъэхэмкIэ Iофхэм яхэплъэн хэлэжьэнхэ алъэкIы­нэу ащ къыщыдэлъытагъ.
Джащ фэдэу административнэ хэбзэукъоныгъэхэмкIэ Iофым хэлэжьэщтхэм макъэ зэ­рара­гъэIурэ, процессуальнэ документхэр зэрагъэхьазырхэрэ ыкIи зэраратыхэрэ шIыкIэр мы Законым щыгъэнэфагъ.
Мыекъопэ къэлэ прокуратурэм ипресс-къулыкъу.