Кавказ чIыопс ухъумапIэм гъэмэфэ лъэхъаныр ыублагъ. ЗэкI пIоми ­хъунэу зекIо лъагъохэр къызэIуихыжьыгъэх. Гъогууанэхэр аукъэбзыгъэх, лъагъохэм уарыз­гъэ­гъозэрэ тхьабзэхэр агъэкIэжьыгъэх, уцу­пIэ­хэр агъэцэкIэжьыгъэх.

Мыгъэрэ IофшIэныр езыгъэжьэгъэ лъагъохэм ащыщ я 30-р ыкIи ащ къыхэкIырэ гъогууанэхэр. Ащ утезыщэрэ лъагъом утехьаным пае Лэгъо-Накъэ, Узуруб зыфэпIощтхэ блэтIупщыпIэ чIыпIэхэм уашIокIын фае.
ДжырэкIэ зэфэшIыгъэу къэнэжьы «Имеретинкэ ичIыналъэкIэ» заджэхэрэр. А лъэныкъом джыри осыр щытиз, арышъ, лъагъохэмрэ уцупIэхэмрэ гъэмафэм фагъэхьазырынхэ алъэкIырэп.
Кавказ чIыопс ухъумапIэм пстэуми агу къегъэкIыжьы: гъогууанэхэм уарыкIоным пае ащ ифитыныгъэ къыозытырэ тхылъыр бгъэпсын фае. Зыщышъумыгъэгъупш, мэкъуогъу мазэм мафэрэ тыгъэпэзэзэу, чэщырэ чъыIэу хъун елъэкIы.