ЯшIэжь агъэлъэпIагъ

1941-рэ илъэсым имэкъуогъу мазэ и 22-р Урысыем итарихъкIэ анахь тхьамыкIэгъо хъугъэ-шIагъэхэм ащыщ иублапIэ хъугъэ — Хэгъэгу зэошхор къежьагъ. Ащ фэгъэхьыгъэ Iофтхьабзэ Адыгэ Республикэм и Лъэпкъ тхылъеджапIэ тыгъуасэ щызэхащагъ.
Хэгъэгум къырыкIуагъэр, итарихъ дэгъоу ашIэным, блэкIыгъэм акъыл хахэу ныбжьыкIэ-
хэр пIугъэнхэм, шIэныгъэ дэгъу ягъэгъотыгъэным ЛIыхъужъныгъэм идесэ афытегъэпсыхьэгъагъ, Iофтхьабзэм хэлэжьагъэх дзэкъулыкъушIэхэр, Адыгэ къэралыгъо университетым икIэлэегъаджэхэр, Лъэпкъ тхылъеджапIэм иIофышIэхэр.
ТхылъеджапIэм иотдел ипащэу ШъхьакIумыдэ Асиет ипэублэ гущыIэ Хэгъэгу зэошхом ихъугъэ-шIагъэхэм къатегущыIагъ, тхылъ къэгъэлъэгъонэу «Тот самый первый день войны» зыфиIорэм фигъэнэIосагъэх.
Адыгэ къэралыгъо университетым иIофышIэу, тарихълэжьэу Нэджыкъо Схьатбый Хэгъэгу зэошхом къытегущыIэзэ, советскэ цIыфхэм ячIыгу пае апсэ атызэ напэр зэращэфыгъэр хигъэунэфыкIыгъ.
— Тарихъым идесэ тхьамыкIагъохэр зыщыдгъэгъупшэхэ зыкIэмыхъущтыр зэо илъэсхэр къызэпызычыгъэхэм шъхьащэ зэрафэтшIыщт закъор арэп, пстэумэ апэу тинеущырэ мафэ пай. Лъэпкъ зэфэшъхьафыбэ хъурэ советскэ цIыфхэм ялIыблэнагъэ, ячаныгъэ, ялIыхъужъныгъэ ящысэтехыпIэу тилъфыгъэхэр, типхъорэлъфхэр, ахэм къакIэхъухьагъэхэр, нахьыжъхэм хабзэу ахэлъыгъэр лъызыгъэкIотэщтхэр тпIунхэ фае, — къыIуагъ Нэджыкъо Схьатбый.
— Хэгъэгу зэошхом илъэхъан фашистхэм якIочIэ анахь лъэшхэм тидзэкIолIхэр зэрапэуцужьыгъэхэр, лIыхъужъныгъэшхо зэрахьэзэ тигъунапкъэхэр къызэрагъэгъунагъэхэр, япшъэрылъхэр щытхъу хэлъэу зэрагъэцэкIагъэхэр лIэужыкIэм ышIэным мэхьанэшхо иI. Хэгъэгу зэошхом ТекIоныгъэ къыщыдэзыхыгъэхэм тэ тырялIэуж, — къыIуагъ Мыекъуапэ дзэ къулыкъу щызыхьырэ ефрейторэу Владимир Стасевым.
Шъыгъо-шIэжь Мафэм ипэгъокIэу зэхащэгъэ Iофтхьабзэм хэлажьэхэрэр заом хэкIодагъэхэм зы такъикърэ афэшъыгъуагъэх.
Лъэпшъыкъо Фатим.
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram