Top.Mail.Ru

Депутатхэм апай

Адыгэ Республикэм и Къэралыгъо ­Совет — Хасэм ия 47-рэ зэхэсыгъо 2025-рэ илъэсым мэкъуогъум и 20-м щыIэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «2024-рэ илъэсымкIэ Адыгэ Республикэм иреспубликэ бюджет зэрагъэцэкIагъэм ехьы­лIагъ», «2024-рэ илъэсымкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет зэрагъэцэкIагъэм ехьы­лIагъ», «Креативнэ (творческэ) индустриехэм Адыгэ Республикэм зыщягъэушъомбгъугъэнымкIэ Iофыгъо заулэ зэшIохыгъэным ехьылIагъ» зыфиIохэрэм апэрэу ахэплъэгъэныр; Адыгэ Республикэм ихэбзэгъэуцугъэхэу «Социальнэ-культурнэ, коммунальнэ мэхьанэ зиIэ псэуа­лъэхэр зытетыщт, инвестиционнэ проектышхохэр зыщагъэцэкIэщтхэ чIыгу Iахьхэу аукцион хэмытэу бэджэндэу аратыхэрэр зыфэдэн фаемкIэ шапхъэхэм яхьылIагъ», «Сабый ибэхэм, ны-тыхэр зышъхьарымытыжь кIэлэцIыкIухэм социальнэ IэпыIэгъу ягъэгъотыгъэнымкIэ гарантие тедзэхэм яхьылIагъ», «Къэлэгъэпсын Iоф­шIэным ехьылIагъ», «КIэлэцIыкIухэр зиIэ унагъохэм ипотекэ чIыфэхэм ятыжьынкIэ IэпыIэгъу ягъэгъотыгъэным ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэр ыкIи нэмыкI Iофыгъохэр.
Адыгэ Республикэм и Къэралыгъо Совет — Хасэм изэхэсыгъо сыхьатыр 10.00-м Адыгэ Республикэм и ЛIышъхьэ и Координационнэ гупчэ (Жуковскэм иур., 22) щырагъэжьэщт.
Адыгэ Республикэм и Къэралыгъо
Совет — Хасэм и Тхьаматэу
Владимир Нарожнэр