Пыдзэфэ пытэу цIыфхэм къырахырэр зэратэкъорэ хэкIылъэхэм чъыг къутамэхэр, уц упкIагъэр зэрарата­къохэрэм къыхэкIэу псынкIэу ахэр ушъа­гъэ мэхъух, хэкIэу зыфытегъэпсыхьагъэхэр арыфэжьырэп.

ЦIыфхэр ащ ыгъэтхьаусыхэхэу «ЭкоЦентрэм» и Адыгэ шъолъыр къутамэ бэрэ зыкъыфагъазэ.
Пыдзэфэ пытэр — унэгъо хъызмэтым къыхэкIырэр, гущыIэм пае, гъомылапхъэхэм къапыкIырэр, бжъэм, шэкIым, тхы­лъы­пIэм ахэшIыкIыгъэ пкъыгъохэр ары. Уц упкIагъэр, пкIашъэхэр, чъыг къута­мэхэр ащ хахьэхэрэп. Ахэр хэкIылъэхэм заратакъохэкIэ, псынкIэу ушъа­гъэ мэхъух, хэкIитэкъупIэ­хэм зарахьылIэкIэ, ахэр зэ­лъаубытыхэшъ, пыдза­фэ­хэр зыугъоирэ машинэ­хэр якIолIэжьышъухэрэп.
ХэкIитэкъупIэшхохэми ахэр зы чIыпIэ ащы­ратэкъухэрэп. Пыдзэфэ пытэхэр зыщызэхадзыщтхэм е зыщагъэкIодыщтхэм аращалIэх, къэкIы­хэрэм къапыкIыгъэхэр зэтыратакъохэшъ, етIанэ аупкIатэх. ЗэкIэ зызэхатакъокIэ, хэкIым зэрэдэзекIонхэ фаер укъуагъэ мэхъу. КъэкIыхэрэм хэкIэу къапыкIырэр дэзыщырэ транспортри нэмыкI.
Мыекъуапэ, Адыгэкъа­лэ, Яблоновскэм ыкIи Инэм ащ фэдэ хэкIыр осэ гъэнэфагъэмкIэ ащы­Iуащы, пчъагъэр пыдза­фэхэм ядэщын пае ахэм ащыпсэухэрэм мазэ къэс атырэм хэлъытагъ. НэмыкI псэупIэхэм адэсхэм къэкIыхэрэм ­къапыкIыгъэ пыдзафэхэр дарагъэщынхэм пае лъэIу тхылъ къатын, хэу­шъхьафыкIыгъэу ыпкIи атын фае.