Гъэмэфэ уахътэу къихьагъэм унагъо­хэм ащыщыбэхэм зэхъокIыныгъэхэр къафихьыщтых. Зыхэр зыгъэпсэфыгъом кIощтых, нэмыкIхэм хьакIэхэр къафэкIощтых, студентхэри янэ-ятэхэм адэжь кIожьыщтых.

А зэпстэумэ апкъ къи­кIэу пыдзэфэ пытэу цIыф­хэм унэхэм къарахырэр нахьыбэ мэхъу. Ащ фэшI нэбгырэ пчъагъэу унэм исым зэхъокIыныгъэ зы­фэхъукIэ, хэкIым идэщынкIэ фэIо-фашIэхэр зыгъэцэкIэрэ къулыкъоу шъузэпхыгъэм макъэ ежъу­гъэIун фае.
Федеральнэ хэбзэгъэуцугъэм, УФ-м и Правительствэ унашъоу ыштагъэм къызэрадэлъыта­гъэмкIэ, унэм исым ­ипчъагъэ елъытыгъ хэкIыр зэрэIуащырэм ыуасэу къалъытэщтыр зыфэдизыщтыр. Нэбгырэ пчъагъэм зыхэхъокIэ, гущыIэм пае, студентыр гъэпсэфыгъом къэкIожьыгъ, ны-тыхэм шъуадэжь зыкъагъэзэ­жьыгъ, сабый унагъом къихъухьагъ, пыдзафэу къи­шъухырэри нахьыбэ мэхъу. Ар уасэу шъутыщтым хэлъытэгъэн фае.
Унагъом исыр нахьыбэ зэрэхъугъэмкIэ игъом макъэ къэшъумыгъэIумэ, нэужым чIыфэ къы­шъу-
те­фэн, хьыкумыр Iо­фым хэплъэн ылъэкIыщт. Адыге­­им щыпсэухэрэр ащ нэ­мы­сынхэм пае лъэIу ыкIи нэбгырэ пчъагъэр зэрэзэ­хъокIыгъэр къэзыушыхьатырэ тхылъхэр «ЭкоЦентрэм» иофисхэм е шъолъыр операторым интернет нэкIубгъо щатынхэ фае. Мары электроннэ адресыр: https://adygeya.clean-rf.ru.
«ЭкоЦентрэм» и Адыгэ шъолъыр къута­мэ ипресс-къулыкъу