Общественнэ организациеу «Адыгэ Республикэм ибзылъфы­гъэхэм я Союз» шIушIэ Iофтхьабзэу «Тызэгъусэмэ тфызэшIокIыщт. Тызэгъусэмэ IэпыIэгъу тыхъущт» зыфиIорэр рихьыжьагъ. ХэушъхьафыкIыгъэ дзэ операцием хэлажьэхэрэм IэпыIэгъу афэхъу зышIоигъохэм куар кодыр къызфагъэфедэни, агу пыкIырэмкIэ шIушIэным хэлэжьэшъущтых. Ащ къыдыхэлъытагъэу аугъоирэ ахъщэмкIэ дзэкъулыкъушIэхэм ящыкIагъэхэр афащэфыщтых. Арышъ, фызэшIокIырэм емылъытыгъэу пстэури Iофтхьабзэм хэлэжьэнхэу зэхэщакIохэр къыфэджэх. Анахь макIэми ишIуагъэ къэкIощт, ТекIоныгъэр къыгъэблэгъэщт.