«ЩыIэныгъэм пае инфраструктурэр» зыфи­Iорэ лъэпкъ проектым къыдыхэлъытагъэу Мые­къуапэ къэзыухьэрэ гъогум щыщ Iахьи мэлылъфэгъу мазэм агъэцэкIэ­жьынэу рагъэжьагъ.

Ар республикэм исхэм ямызакъоу, хьакIэхэми агъэфедэ. Гъогу-псэолъэшI ГъэIорышIапIэу N-3-р ары зыгъэкIэжьырэр, IофшIэнхэр ыкIэм рифы­лIагъэх.
Шъугу къэдгъэкIыжьын, мы гъогум Мыекъуапэ икIэу Лэ­бапэ ыкIи ТIуапсэ якIурэ гъогухэр зэрепхых.
«Адыгеяавтодорым» къызэритыгъэмкIэ, асфальт-мыжъо зэхэлъыр зэблахъугъ, лъэсрыкIо гъогухэр агъэкIэжьыгъэх, мы ма­фэхэм гъогу гъунэхэр зэ­рагъафэх, етIанэ тамыгъэхэр агъэтхъыщтых. Гъогу Iахьыр пстэумкIи километри 5 мэхъу, сомэ миллион 200 пэIухьагъ.
— Республикэм игъогухэм зэхъокIыныгъэшIоу афэхъухэрэм тагъэгушIо. Мы чIыпIэм тегъэуа­гъэр макIэп, гъэцэкIэжьынхэр ищыкIэгъэ дэдагъэх. Шапхъэхэм адиштэу ашIыжьыгъэ гъогум автомобилистхэр ягуапэу рычъэщтых, — къыIуагъ Мыекъуапэ щыпсэурэ Лафышъэ Мурат.
«Адыгеяавтодорым» къызэрэщаIуагъэмкIэ, Джэджэ районым ит поселкэу Новэм екIолIэрэ автомобиль гъогум ичIыпIитIурэ Мыекъопэ райо­нымкIэ «Тульскэр-Садовэр» зыфиIорэ гъогум изы Iахьрэ мы мафэхэм агъэцэкIэжьых.
Мы илъэсым шъолъыр мэ­хьанэ зиIэ гъогу Iахь 25-рэ агъэкIэжьынэу респуб­ликэм щагъэнэфагъ. Зэ­кIэмкIи ар километрэ 70,1-рэ мэхъу.