Урысыем щынэгъончъэнымкIэ и Феде­ральнэ къулыкъу Адыгэ РеспубликэмкIэ и ГъэIорышIапIэрэ Мыекъопэ районым ипро­куратурэрэ зэхащэгъэгъэ уплъэкIунымкIэ ма­териалхэр IэубытыпIэ къызыфишIыхэзэ, Урысыем и Следственнэ комитет Адыгэ РеспубликэмкIэ иследственнэ гъэIорышIапIэ Мыекъопэ районымкIэ иследственнэ отдел Мыекъопэ районым щыпсэурэ хъулъфыгъэм уголовнэ Iоф къыфызэIуихыгъ. Урысые Федерацием и Уголовнэ кодекс ия 187-рэ статья иа 1-рэ Iахь зигугъу къышIырэ бзэджэшIэгъи 5 зэрихьагъэкIэ ащ егуцафэх.
Нафэ къызэрэхъугъэмкIэ, 2024-рэ илъэсым ижъоныгъуакIэ къыщегъэжьагъэу итыгъэгъэзэ мазэ нэс мы хъулъфыгъэм банк зэфэшъхьаф­хэм якартэхэр къызIэкIигъэхьагъэх. Зэкъо­дзакIом картэхэри, ахэм ялогини, япароли инэIуасэ горэм IэкIигъахьэщтыгъэх. Зэкъодзэн Iофхэр Урысые Федерацием щызезыхьан зигухэлъыгъэхэм ащ фэдэ картэхэр нэмыкIхэм аратыгъэх.
Уголовнэ Iофым изэхэфынкIэ оперативнэ Iофтхьабзэхэр зезыхьэхэрэр Урысыем щы­нэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Адыгэ Республикэм хэгъэгу кIоцI IофхэмкIэ и Министерствэ экономическэ щынэгъончъэ­нымкIэ ыкIи къолъхьэ тын-Iыхым пэуцужьыгъэ­нымкIэ и ГъэIорышIапIэрэ яIофышIэхэр ары.
БзэджэшIагъэу зэрахьагъэхэм ягъэунэфын­кIэ, нэмыкI цIыфхэу ахэм ахэщагъэхэм якъы­хэгъэщынкIэ ищыкIэгъэ следственнэ Iоф­тхьа­бзэхэр джыдэдэм зэрахьэх.
Урысыем щынэгъончъэнымкIэ и Федеральнэ къулыкъу
Адыгэ РеспубликэмкIэ и ГъэIорышIапIэ ипресс-къулыкъу