СамбэмкIэ дунаим и Кубок ­икъыдэхын фэгъэхьыгъэ зэнэ­къо­къухэр Армением икъэлэ ­шъхьаIэу Ереван щыкIуагъэх. Дунаим икъэралыгъо 25-мэ яспортсменхэр турнирым хэлэ­жьагъэх.

Урысыем ихэшыпыкIыгъэ командэ хэтыгъэ Наш Расул (итренерыр Р. Н. Джарымэкъу) килограмм 71-рэ къэзыщэчыхэрэм якуп зыщиушэтыгъ ыкIи Адыгэ Республикэм исамбист дышъэ медаль къыхьыгъ.
Джащ фэдэу Адыгеим илIыкIоу Тао Адам ятIонэрэ чIыпIэр къыдихыгъ. Ар Казахстан ыкIи Туркменистан яспортсменхэм атекIуагъ, ау финалыр тичIыгогъум шIуихьыгъ.
ТикIалэхэм ыкIи ахэм ятренерхэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.
Урысыем ихэшыпыкIыгъэ командэ хэтхэм дышъэ медаль 15, тыжьынэу — 11 ыкIи джэрзэу — 10 къахьыгъ. Ахэм ащыщэу тIур Адыгэ Республикэм илIыкIохэм яех. Ар узэрыгушхон фэе къэгъэлъэгъо-
нышIу.