Адыгэ Республикэм социальнэ лъэныкъомкIэ иIофышIэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ тышъуфэгушIо!
Социальнэ лъэныкъомкIэ Iоф зышIэрэ пстэуми: ахъщэ IэпыIэгъухэр, субсидиехэр игъом язытыхэрэм, ветеранхэм, сэкъатныгъэ зиIэхэм яфэIо-фашIэхэр зыгъэцакIэхэрэм, сабыибэ зэрыс унагъохэм IэпыIэгъу афэхъухэрэм, социальнэ лъэныкъомкIэ чIыпIэ зэжъу ифагъэхэм адеIэхэрэм непэ тафэгушIо. Ахэм ягущыIэ фабэхэмкIэ, IэпыIэгъоу аратырэмкIэ агу къаIэты ушэтыпIэ къин хэфагъэхэм.
Социальнэ IофышIэхэм мафэ къэс ягукIэгъурэ яфэбагъэрэ ахэм апагъохы, дунаир нахьышIу, нахь дахэ ашIы.
Тиреспубликэ социальнэ лъэныкъомкIэ изытет нахьышIу шIыгъэным шъуиIахьышхо хэшъошIыхьэ, мэхьанэшхо зиIэ пшъэрылъхэу а лъэныкъомкIэ къэу­цухэрэм язэшIохын чанэу шъухэлажьэ.
Ныбджэгъу лъапIэхэр, шъуиIоф къинми, дэгъоу зэ­рэжъугъэцакIэрэм пае тхьашъуегъэпсэу шъосэIо.
Псауныгъэ пытэ, щыIэкIэшIу шъуиIэнэу, Адыгэ Республикэм щыпсэурэ пстэуми яфедэ зыхэлъ
Iофэу жъугъэцакIэрэм гъэхъагъэхэр щышъушIынхэу шъуфэсэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет -— Хасэм и Тхьаматэу Владимир Нарожнэр