Top.Mail.Ru

Мэкъуогъум и 6-р — Къурмэн мэфэкI

Адыгэ Республикэм щыпсэурэ быслъымэнхэу
лъытэныгъэ зыфэтшIыхэрэр!

Къурмэн мэфэкIым фэшI тышъуфэгушIо!
ХьаджышIыным икIэухэу щыт мы мэфэкIыр нэфым, къэбзагъэм, гукIэгъум, шIушIэным афэлажьэ. ЦIыфхэр нахь зэпэблагъэ ешIых, обществэм зэфагъэр, зэрэлъытэжьыныгъэр нахь щегъэпытэх, уигупсэхэм унаIэ атетын зэрэфаер джыри зэ угу къегъэкIыжьы.
Ислъам диныр зылэжьырэ быслъымэнхэу Адыгеим щыпсэухэрэм тиреспуб­лики, хэгъэгуми яхэхъоныгъэ яIахьышхо хашIыхьэ, культурэ зэфэшъхьафхэм якъэухъумэн, лъэпкъыбэмэ язэгурыIоныгъэ нахь пытэным чанэу хэлажьэх.
Мы мэфэкI мафэм быслъымэнхэм ыкIи зэкIэ республикэм щыпсэухэрэм тышъуфэлъаIо псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ ублэпIэ пстэуми гъэхъагъэхэр ащышъушIынхэу! Мы мафэхэм къыздахьырэ фэбагъэр, гукIэгъур, гуетныгъэр тикъэралыгъо джыри нахь зэтегъэпсыхьагъэ хъунымкIэ IофтхьэбзакIэхэм лъэпсэ пытэ афэрэхъух!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр